Gjendja e Vendit/ Presidenti Trump: SHBA kurrë nuk do të jetë socialiste!

“Zonja Kryetare e Dhomës së Përfaqësuesve, zoti Nënpresident, Anëtarë të Kongresit, Zonja e Parë, bashkatdhetarët e mi amerikanë! Takohemi sonte në një moment me potencial të pafund. Me fillimin e punimeve të Kongresit të ri, dal para jush i gatshëm për të punuar me ju për të arritur suksese historike për të gjithë amerikanët. Miliona bashkatdhetarë të mi që na shohin tani të mbledhur në këtë seli, shpresojnë se ne nuk do të qeverisim si dy parti, por si një komb i vetëm. Axhenda që do të prezantoj sonte nuk është as republikane, as demokrate, por është axhenda e popullit amerikan”.

Kështu e filloi Presidenti i SHBA, Donald Trump, “Fjalimin mbi Gjendjen e Vendit” /2019 State of the Union/ para Kongresit të ri të dal nga zgjedhjet e 6 nëntorit, duke bërë një përmbledhje se çfarë është bërë në mandatin e parë, ku u shprehë i kënaqur me gjendjen në të cilën ndodhet kombi, por disa herë bëri thirrje për unitet në punë për çështjet kyçe, mbrojtjen e vendeve të punës, uljen e çmimeve të sigurimit shëndetësor dhe ilaçeve.

Duke folur mbi sukseset e Amerikës në dekada, presidenti u ndal tek disa momente historike të rolit amerikan në kontributin e njerëzimit:

“Këtë vit, vendi do të shënojë dy përvjetorë të rëndësishëm që dëshmojnë madhështinë e misionit të Amerikës, si dhe fuqinë e krenarisë amerikane.

Në qershor mbushen 75 vjet nga ajo që Gjenerali Ajzenhauer e quajti “Kryqëzata e Madhe” – operacioni i forcave aleate për të çliruar Evropën. Në operacionin e 6 qershorit, 1944, 15 mijë të rinj amerikanë u hodhën me parashuta, u sulën nga deti dhe toka, për të shpëtuar civilizimin tonë nga tirania. Në sallë kemi të ftuar tre nga nga këta heronj amerikanë: Joseph Reilly, Irving Locker and Herman Zeitchik. Zotërinj, ju përshëndesim!

Në 2019-ën mbushen 50-vjet që kur astronautët e rinj udhëtuan një çerek-milion milje në hapësirë për të vënë flamurin amerikan në Hënë. Gjysmë shekulli më pas, kemi në sallë një nga astronautët e misionit “Apolli 11″: Buzz Aldrin. Këtë vit astronautët amerikanë do të rikthehen në hapësirë me raketa amerikane”.

“Duhet ta hedhim poshtë politikën e hakmarrjes, rezistencës dhe ndëshkimit, dhe  tëpranojmë potenciale të mëdha të bashkëpunimit, kompromisit dhe të mirës së përgjithshme. Së bashku, mund të ndërprejmë dekadat e politikës së paudhë. Mund të tejkalojmë ndarjet e  vjetëra, të shërojmë plagët, të krijojmë lidhje t ëeraj, të gjejmë zgjidhje të reja dh eti hapim derën të ardhmes së shkëlqyer amerikane. Vendim është tekn ne. Duhet të zgjedhim në mes të forcës dhe stanjacionit, rezultatit dhe rezistencës, vizionit dhe hakmarrjes, progresit të madh dhe shkatërrimit të pakuptimtë. Sonte, ju thërras që të përzgjedhim forcën.

Me këtë rast ai përsëriti se do të  ndërtoj murin në kufi me Meksikën. Ky nuk do të jetë një muri i thejshtë betoni, por një barrierë çeliku moderne  dhe e tejdukshme, sqaroi Presidenti Trump.

“Tani republikanët dhe demokratët duhet të bashkojnë forcat dhe të përballen me krizën e madhe kombëtare. Kongresi ka 10 ditë që të miratoj ligjin i cili do të siguroj financimin e qeverisë, do të mbrojë atdheun tonë dhe do të garantoj kufirin jugor. Tani është koha që Kongresi të tregoj se Amerika është e përkushtuar për ti dalë para imigracionit të paligjshëm, dhe për ti lënë pa punë kartelet e drogës dhe trafikantët e qenieve njerëzore.”

Nga ana tjetër, shtoi Presidenti Trump, imigrantët ilegal janë pasuri e kombit amerikan dhe forcojnë shoqërinë në shumë mënyra:

“Dëshiroj që njerëzit të vijnë në vendin, por duhet të futen në mënyrë legale.”

Duke folur për ekonominë, Presidenti Amerikanë theksoi se në vitin e fundit janë punësuar 5.3 milionë njerëz, që rrogat u janë rritur të gjithëve, dhe se ekonomia amerikane po rritet dy herë më shpejtë se sa në kohën kur ai mori detyrën. Dhe, papunësia është në nivelet më të ulëta në 50 vitet fundit,” tha Presidenti Trump duke shtuar se sot më së shumti ka të punësuar në historinë amerikane – 157 milionë.

“Pas 24 muajve të përparimit të përshpejtuar, ekonomia jonë është në nivele të kënaqshme, ushtria jonë është më e fuqishmja në botë, Amerika po fiton çdo ditë. Anëtarë të Kongresit: gjendja e kombit tonë është e fortë! Vendi ynë është i gjallë, e ekonomia jonë po lulëzon si kurrë më parë!

Askush nuk kishte dobi më shumë nga ekonomia e fortë se sa gratë, që zunë 58 për qind të vendeve të reja të punës gjatë vitit të kaluar,” tha Presidenti Trump.

“Pikërisht 100 vjet më parë kur fituan të drejtën e votës, kemi më shumë gra në Kongres se kurrë më parë”, tha Presidenti i SHBA ndërkohë përfaqësueset demokrate në shenjë të këtij përvjetori ishin veshur në të bardha.

“Amerika, kurrë vend socialist”

Duke folur për politikat amerikane të bashkëpunimit ndërkombëtar dhe sigurisë, Presidenti Trump përsëriti se Shtetet e Bashkuara po mbajnë një barrë më të madhe dhe të padrejtë, krahasuar me aleatët e tyre:

“Gjatë dy viteve të fundit kemi filluar të rindërtojmë plotësisht Ushtrinë e Shteteve të Bashkuara, me një buxhet prej 700 miliardësh vitin e kaluar, dhe këtë vit me 716 miliardë. Po i shtyjmë edhe vendet e tjera të paguajnë pjesën e tyre të drejtë. Për vite, Shtetet e Bashkuara janë trajtuar shumë padrejtësisht nga NATO-ja, por ne tashmë kemi siguruar një rritje prej 100 miliardë dollarësh të shpenzimeve ushtarake të vendeve aleate të NATO-s”.

Me këtë rast, Presidenti Trump u ndal edhe tek politikat ndaj Rusisë:

“Si pjesë e forcimit të ushtrisë sonë, Shtetet e Bashkuara po zhvillojnë një Sistem për Mbrojtjen nga Raketat të modernizuar. Nën Administratën time, ne nuk do të kërkojmë kurrë ndjesë për avancimin e interesave të Amerikës.

Për shembull, dekada më parë Shtetet e Bashkuara nënshkruan një traktat me Rusinë duke rënë dakort të kufizojmë dhe të reduktojmë aftësitë tona në fushën e raketave. Ndërkohë që ne e zbatuam marrëveshjen pikë për pikë, Rusia i shkeli kushtet e marrëveshjes në mënyrë të përsëritur. Për këtë arsye, unë njoftova se Shtetet e Bashkuara po tërhiqen zyrtarisht nga Traktati për Armët Bërthamore me Rreze të Mesme (INF).

Ndoshta mund të negociojmë për një marrëveshje të ndryshme, ku të shtohet edhe Kina apo vende të tjera; ose ndoshta nuk e arrijmë dot, dhe në këtë rast do të shpenzojmë më shumë dhe do të arrijmë më shumë inovacion se të gjithë të tjerët”.

Në Fjalimin e tij mbi Gjendjen e Vendit, ai foli edhe për marrëdhëniet me Korenë e Veriut:

“Sikur mos të isha unë, President i SHBA, tani, sipas mendimit tim, ne do të ishim në luftë me Korenë e Veriut, ku do të kishin humbur jetën miliona njerëz.

Shumë punë duhet të bëjmë, por marrëdhënia ime me Kim Jong Un është e mirë. Presidenti Kim dhe unë do të takohemi sërish më 27 dhe 28 shkrut në Vietnam.”

Presidenti Trump, me këtë rast foli edhe për kërkesat që Amerika të pranoj socializmin: “Këtu në Amerikë, na shqetësojnë thirrjet që ta pranojmë socializmin në vend. Amerika është themeluar duke u bazuar në liri dhe pavarësi, jo qeverisje detyrimi, dominimi dhe kontrolli. Ne kemi lindur të lirë dhe do të jemi të lirë, sonte e përsëris vendosmërinë tonë: Amerika kurrë nuk do të jetë vend socialist.”