Me Krimet e Rënda e zgjidhi/ Rikthimi në politikë, Saimir Tahiri: Ka kohë për të gjitha!

Gjykata për Krime të Rënda pranoi kërkesën e Ish-Ministrit Saimir Tahirit, duke i vendosur kohë Prokurorisë deri më 10 mars për të vendosur përfundimisht nëse do kalojë në gjykim, apo do mbyllen hetimet.

“Akuza të padrejta dhe skandaloze ndaj meje. I falënderoj të gjithë pa masë që më kanë treguar që ia vlen të presësh për atë ditë që vjen drejtësia. Për mua ka rëndësi drejtësia dhe që kësaj maratone t’i shkojmë më në fund drejt finishit,” u shpreh Saimir Tahiri tashmë duke konfirmuar edhe parashikimin e opozitës që gjithçka në sistemin e drejtësisë po kopsitet drejtë lirimit të tij dhe refuzimi nga mazhoranca për të ngritur një Komision Hetimor i cili kërkohej nga opozita, nuk ishte rastësi.

I sapodalur nga seanca në Gjykatën e Krimeve të rënda, interesit të mediave nëse do t’i rikthehet sërish politikës, mjeshtri i medias dhe komunikimit kriminal u shprehë:

“Ka kohë për të gjitha!”