16, Shkurt…

nga Agim Popoci

Sot pas më shumë se 6 vjet qeverisjeje, kur Edi Rama nuk ka se çfarë të shesë nga pasuria shqiptare sepse gjithçka ka shitur, nuk ka se si ti terrorizoj më shumë studentët se terrori ka arritur kulmin, nuk ka se si ti mashtroj minatorët dhe naftëtarët sepse janë konusmuar të gjitha mashtrimet, nuk ka se si ti shkel më shumë pensionistët se i ka shkelur më keq se rruli, nuk ka se si ti përçmojë më shumë policët, prokurorët dhe gjyqtarët sepse i ka lënë pa identitet, grupet vulnerabët i ka lemeris sa as nga vulnerablja nuk u ka mbetur gjë, qytetarët e Republikës së Shqipërisë kanë vendosur të protestojnë të shtunën.

Janë më shumë se 16 premtime me të cilat Edi Rama erdhi në pushtet dhe nuk i mbajti, dhe vetëm qytetari i ka mbetur për ta fajësuar, meqë veten nuk e sheh në pasqyre, për ta përcaktuar dështimin e qeverisjes së tij.

Janë më shumë se 16 arsye që nga premtimi “shëndetësi falas” nuk ka ngelur as shëndetësia të cilën e mori kur erdhi  në pushtet. Nuk priti njeri nga  kryetari i dështuar i një bashkie që të sjell ilaçe falas tek Onkologjiku, por as nuk priti njeri që dializa ti jipet një kompanie private në mënyrë që nga blerja e 1 ose 2 ilaçeve për dializë, konçesioni ta sjell situatën kur i gjithë trajtimi i dializës duhet të paguhet. Dhe pasi degradoi mirë me laboratore, me check-up, dhe sistemin shëndetësor në tërësi, kurimin e njërit prej familjarëve kryeministri e bëri në spital privat për të treguar se ku arriti reforma e tij në shëndetësi!

Janë më shumë se 16 arsye pse sot besueshmëria e policisë është në nivelin më të ulët që nga krijimi i shtetit shqiptar edhe pse e premtoi reformën dhe filloi me spastrimin e policëve barkderra, por përfundoi në transformimin e policit shqiptar kultivues dhe shitës të marijuanës. Sot, çdo shqiptar turpërohet pse shteti i tij ka njerëz të tillë nën uniformë; Dhe, për të mos u mjaftuar me këtë degradim që bëri, ai nuk emëroi as edhe një ministër të Brendshëm që nuk ka lidhje me drogën. Fillimisht kishte një të akuzuar për trafik ndërkombëtar droge, më pas vuri vëllain e një trafikanti të dënuar ndërkombëtar të drogës, dhe në fund vuri shefin e tyre që ishte dhe Këshilltar i Sigurisë Kombëtare të Kryeministrit kur Shqipëria u kanabizua kokë e këmbë.

Janë më shumë se 16 arsye pse reforma që nisi për të ndryshuar sistemin e drejtësisë përfundoi me rezultatin që fajtor përveç sistemit doli se është edhe njeriu. Jo ai “I Salës” por ky që vetë e solli dhe e përzgjodhi për të mos pas frikë të liroj as vrasësit e policëve. Reformën në Drejtësi e degjeneroi pa dhënë fruta dhe arritja e vetme me të cilën mund të krenohet Edi Ramës është se qeverisë shtetin e vetëm në Evropë që funksionon pa Gjykatë të Lartë dhe pa Gjykatë Kushtetuese.

Janë më shumë se 16 arsye që investitorët e huaj jo vetëm që nuk vijnë por edhe ata pak që ishin, u larguan për të mos u kthyer kurrë më. Ca hëngrën dru, disa prej tyre u lodhën duke paguar haraç ndërsa të tjerët, të tërbuar u larguan nga vendi ku bizneset hapen për të pastruar para dhe jo për të punuar.

Janë më shumë se 16 arsye që Edi Rama gjatë qeverisjes së tij nuk arriti të ndërtoj as 16 kilometra rrugë edhe pse trashëgoi një qeveri që kishte ndërtuar mbi 10 mijë kilometra. Plotë 365 ditë u ankua se qeveria e kaluar i kishte lënë borxhe të për ndërtimin e rrugëve, por kjo nuk ndryshoi edhe për pesë 365 ditëshat e tjerë me radhë që të mos ndërtoj asgjë, madje as ti riparoj vijat e bardha të këtyre 10 mijë kilometrave rrugë. Konçesioni ishte shpikja e vetme që e bëri ti rikthej të drejtën të flas për rrugët ndonëse shirit përurimi ende nuk ka prerë deri më sot. Kur jemi te Konçesionet, as ato nuk arriti ti bëjë siç duhet, dhe ende pa u tharë boja e firmës së hedhur në marrëveshje, shpërthyen afera korruptive nga Kalimashi në SHBA.

Janë më shumë se 16 arsye pse më shumë se 500 mijë shqiptarë morën botën në sy. Nga ana tjetër, ndonëse erdhi me premtimin e një toke shqiptare pa kufi shqiptaro-shqiptar, vuri edhe një tra; I cili, ç’është e vërteta, për ta kaluar nuk kërkon mjet identifikimi ama lekë për Qetin dhe Edi Ramën, po!

Janë më shumë se 16 arsye pse fermeri shqiptar është në grahmat e tij të fundit. Paguan karburantin më të shtrenjtë në rajon ndonëse ka PBB-në më të vogël, dhe për të mos u mjaftuar me kaq, ngarkohet edhe me çmimin më të lartë në rajon, përkundër faktit që është njëri ndër prodhuesit më të mëdhenj në Ballkan me HEC-e.

Janë më shumë se 16 arsye që peshkatarët jo vetëm që nuk plotësojnë nevojat shqiptare për peshk, por as ato familjare. Me politikat e tij fiskale, Edi Rama i ka detyruar edhe peshkatarët të blejnë peshk ndryshe do ta harrojnë shijen si të peshkut ashtu edhe frutave të detit, me të cilat Shqipëria krenohej pa shkelur ky njeri në fron.

Janë më shumë se 16 arsye që minatorëve dhe naftëtarëve nuk u ka mbetur gjë tjetër përveç se sheshi për të protestuar. I dhanë votën Edi Ramës sepse u premtoi statusin e minatorit ndërkohë duke dhënë me konçesione të gjitha minierat, shkriu edhe ato pak drejta që kishin këta njerëz të stërvuajtur që sot janë dëshmitar të shitjes së pasurive nëntokësore shqiptare nga një klikë hajdutësh.

Janë më shumë se 16 arsye që si Edi Rama ashtu edhe mazhoranca e tij qeverisëse kanë humbur kredibilitetin. Madje, së fundi u zbulua që edhe në pushtet erdhi me votat e blera  nga kriminelët.    

Për këto dhe shumë arsye të tjera, shqiptarët kanë vendosur të protestojnë.

Duke qenë koshient se Edi Rama iku nga kryeministria për të qëndruar për fundjavë në Vlorë, dhe në 16 Shkurt të vitit 1943, ushtarët e Armatës së Kuqe u kthyen në Harkovë; Duke e pasur të qartë se Edi Rama nuk i ka bllokuar rrugët kot ashtu sikur nuk e ndërsenë Ish-Gjeneralin Sandër Lleshaj sa për frikësim, qytetarët kanë vendosur të protestojnë ndonëse e kanë parasysh se në 16 Shkurt të vitit 1992, në Zair, forcat e sigurisë vranë 32 qytetarë që kishin filluar një protestë paqësore kundër regjimit të presidentit Mobutu Sese Seko. Rrugë tjetër nuk ka, nesër do të jetë vonë sepse një Mobutu tashmë po lindë në zemër të Evropës!

Në 16! Shkurt, Edi Rama duhet të largohet për të mos u kthyer më!