Protesta e Madhe/ Tensionet, policia nxitë dhunë, bënë propagandë dhe kërcënon…

“Ndërprisni veprimet e dhunshme, ruani qetësinë, Veprimet që po kryejnë përbëjnë vepër penale, Policia do të zbatojë ligjin,” ishin thirrjet e policisë së Ish-Gjeneral Sandër Lleshajt me megafon, pasi tensionuan situatën, u larguan në drejtim të paditur nga kordoni dhe gjuajnë gaz lotsjellës pa kontroll.

Pas këtij veprim, kur situata u rëndua shumë dhe opozita si organizatore e protestës po mundohet të qetësoj situatën, kryetari i Partisë Demokratike, Lulzim Basha u shprehë:

“Ky që shohim është një skenar. Ju e patë sesi, pas një përpjekjeje fare të lehtë nga një grup banorësh të Unazës, papritur u ça kordoni i policisë, që të përdorej dhuna, të hidhej gazi lotsjellës.

Dhe e gjitha kjo që dëgjoni në altoparlant, është pjesë e një skenari kriminal të policisë, të vënë nën urdhrat e Edi Ramës, për të provokuar një gjendje të tillë. Protestuesit kishin ardhur për të demonstruar paqësisht, pa dhunë.

Po flisnin qytetarët.

Në qendër të sheshit po flisnin qytetarët e Unazës, po flisnin fermerët, studentët, minatorët dhe, për shkak të skenarit të tyre ogurzi, tani gjendja ka dalë jashtë kontrollit dhe nuk duket asnjë polic, askund,” tha lideri I opozitës duke I kujtuar Ish-Gjeneralit dhe shefit të tij, Edi Rama se si veprohet në të tilla raste:

“Nuk merr kontakt me organizatorët e protestës, por vazhdon t’i fryjë skenarit të përplasjes dhe të dhunës me këto mesazhe idiote. Policia nuk po zbaton ligjin, policia e ka thyer ligjin.”