E frikshme/ Dëshmia, Deputeti i PD: Policia po festonte arrestimin e protestuesëve!

Me urdhër të  Edi Ramës policia shoqëroi dhjetëra persona pjesëmarrës në Protestën e Madhe të opozitës, dhe si familjarët ashtu edhe deputetët e interesuar të opozitës për fatin e tyre, nuk u sqaruan. Në këto rrethana, ata u futën pa leje, por dolën të tronditur nga ajo që panë në Drejtorinë e Policisë së Tiranës.

Deputeti i Partisë Demokratike, Flamur Noka, pasi doli nga Drejtoria e Policisë tha se policia në vend që t’i shërbente qytetarëve, po festonte arrestimin e tyre.

“Kemi një orë këtu pa asnjë përgjigje. Kur u ngjitëm sipër, me gjithë tentativat për të penguar fizikisht deputetët, gjetëm kupolën e policisë. I gjetëm si një tufë derrash me uiski, Red Bull e kishin shtruar. Gjithçka është filmuar. Ne na lanë në pritje pa na sqaruar, “ tha deputeti i PD, Flamur Noka duke përsëritur së në protestë nuk kishte dhunë:

“Dhunë nuk ka pasur, kjo ka qenë protesta më e madhe dhe më qytetare në këto vite të demokracisë. Njerëzit kanë shfryrë për qeverisjen Rama, për gjendjen. Sqarime? Do t’i marrin ata shumë shpejt. Qytetarët do t’ia japin.”