Presidenti Trump: Bisedimet tregtare me Kinën, shumë produktive

Presidenti i Shteteve të Bashkuara, Donald Trump, tha sot se bisedimet tregtare me Kinën kanë qenë shumë produktive.

Presidenti Trump tha se presidenti i Kinës, Xi Jinping ka ofruar mbështetjen para takimit të Presidentit Trump me liderin e Koresë së Veriut Kim Jong-un, që pritet të mbahet të ejten dhe të premten në Vietnam, raporton RFE.

“Presidenti Xi i Kinës ka ofruar mbështetjen për takimin me Kim Jong-un. Gjëja e fundit që Kina dëshiron janë armët bërthamore te fqinjët“, tha Presidenti Trump.

Ndryshe, Presidenti i SHBA, Donald Trump ka vënë tarifa në produktet kineze në vlerë të milliarda dollarëve, me arsyetimin se Kina ka aplikuar praktika të padrejta tregtare ndaj SHBA-së.

Përveç tjerash, presidenti amerikan kishte sqaruar se këto masa synojnë të ruajnë ekonominë amerikane dhe vendet e punës në këtë shtet.