Reeker pritet të zgjidhë mosmarrëveshjet Kosovë-Serbi

Shtetet e Bashkuara kanë caktuar diplomatin e karrierës, Philip Reeker për të zgjidhur mosmarrëveshjet ekzistuese ndërmjet Kosovës e Serbisë.

Reeker, një diplomat dhe ekspert për Ballkanin, pritet të zëvendësojë Wess Mitchellin, si zyrtar përgjegjës për Evropë dhe Euroazi.

Reeker është njëri ndër promovuesit kryesorë të marrëdhënieve ndërmjet SHBA-së dhe Greqisë.  Në pozitën e tij të re, Reeker pritet të merret me procesin e normalizimit të marrëdhënieve ndërmjet Kosovës e Serbisë, integrimin e Shqipërisë në BE dhe një varg çështjesh të tjera, që SHBA i konsideron të rëndësishme.

Në karrierën e tij të gjatë diplomatike, Reeker veç të tjerash ka shërbyer edhe si zëdhënës i Christopher Hill, i dërguar amerikan në bisedimet e Rambujesë