Çmendet në Lushnje/ Për protestuesit, Edi Rama: Janë qorra. Shkojnë mbrapa Lulit…

Pjesëmarrësit e Protestës së Madhe të 16 Shkurtit, Kryeministri Edi Rama i quajti “qorra” që nxiten nga opozita ndërsa i akuzoi ata që sulmuan Kryeministrinë, sipas tijë “me kokë”, se i kanë dhënë një goditje ekonomisë së vendit.

“Nëse goditet turizmi, goditet ekonomia e të gjithëve atyre që merren me sipërmarrjen. Goditen shpresat e tyre që jetojnë me turizmin. Kjo goditje prek aty ku s’preket dhe s’ka të bëj me bindjet politike.

Ata qorra që i binin me kokë murit të Kryeministrisë, që nxitur nga qorrat q s’kanë çfarë ti bëjnë murit të Kryeministrisë, i kanë rënë këmbëve ekonomisë duke e penguar të ec ashtu siç duhet, por kanë çuar mesazh të keq jashtë vendit. I kanë dhënë mesazhin, mos hajdeni në Shqipëri të investoni sepse këtu njerëzit i bien murit me kokë. Lulit i shkoni mbrapa? (Qesh). Ata që shkojnë mbrapa Lulit, se Luli shkon mbrapa Monikës. Këtu në Lushnje është për të thënë që: O Zot mbroji shqiptarët nga blerja e votës. Dhe kush flet për blerjen e votave?

Nëse Zoti do të merrej me zgjedhjet, Monikës do i kishte rënë rrufeja. Larg qoftë. Gjëja parë që do bënte Zoti do mbyllte Monikën në shtëpi,” tha Edi Rama në Lushnje duke folur për protestuesit me fjalorin e Ish-partnerit të koalicionit Ilir Meta.

Me këtë rast, Edi Rama ko folur edhe për vendimin e opozitës për të djegur mandatet e deputetëve, ku për kryeministrin i vetmi që doli me mend, sipas tij, ishte Myslim Murrizi, për  të cilin shfaqi edhe xhelozi:

“I vetmi me dy para mend në kokë na doli Myslim Murrizi. Unë do kisha dashur ta kisha thënë unë atë shprehjen: U nisën për të rrëzuar Ramën dhe më rrëzuan mua. Se në fakt ku ishte revolucioni. Kjo që jemi sot, jemi ne. Ata që ishin dje, janë ata. Kush do e bëjë më mirë? Ne që sollëm deri këtu? Apo ata që e lanë dje?” vazhdoi Edi Rama duke folur em superlativa për gjithë ata që nuk I dalin kundër, siç ishte dje Ilir me Monikën.