Seanca plenare/ Protesta para Parlamentit, Basha: Me Edi Ramën nuk ka paqe. Do të vazhdojmë deri në…
Pas thirrjes së seancës plenare nga kryeministri Edi Rama përmes shokut Gramoz, Opozita ka thirr qytetarët për të protestuar pra Parlamentit të Shqipërisë, siç vlerësohet tashmë nga shumica dhe vetë lideri i Opozitës si Parlamenti i Krimit.
“Edhe sot e bënë aktin tinzar dhe të paligjshëm. Nuk është më Kuvendi i Shqipërisë por i krimit dhe hajdutëve. A ta që kalojnë ligje antikushtetuese për të vjedhur miliona nga populli. Pushteti i vërtetë i takon popullit. Ne të gjithë bashkë kishim njoftuar protestën tonë të radhës. Në mënyrë ilegale ndryshuan mbajtjen e parlamentit sepse menduan se do i shpëtojnë zemërimit të njerëzve. Kurrë më parë nuk është mbledhur kaq shumë njerëz brenda pak orësh,” tha Lulzim Basha duke shtuar:
“Rama është kapur si miu në qark nga populli!”
Me këtë rast kryetari i Partisë Demokratike, Lulzim Basha, i ka bërë thirrje Policisë së Shtetit që ishte në detyra para Parlamentit që të heqin kapelet dhe të arrestojnë politikanët që janë brenda seancës plenare.
“Ne luftojmë për vlera europiane, për zgjedhje të lira e të ndershme. Dhe jo për kapjen e drejtësisë për të mbrojtur, Vangjush Dakon e Saimir Tahirin. Do të dëgjohet zëri juaj deri sa ai të kthehet në ligjin e padiskutueshëm në Shqipëri. Kjo është një betejë që do çliroje vendin nga klika mafioze. Kjo betejë do çliroje makthin e e vogëlushëve teksa shohin prindërit që nuk i plotësojnë dot nevojat parësore,” tha Lulzim Basha duke i drejtuar thirrje policëve ndërsa e bëri të qartë se me Edi Ramën nuk ka paqe:
“Një thirrje për vëllezërit e motrat me uniformë. Ju qëndroni mes hajdutëve dhe popullit të dhunuar. Hiqini kapelet dhe arrestojini hajdutët siç e kërkon ligji. Arrestojini përpara se t’i arrestojë populli i bashkuar. Asnjë fasadë nuk pi më ujë, kupa është mbushur. Me Edi Ramën nuk do të ketë paqe. Do të vazhdojmë deri në largimin e klikës mashtruese që ka pushtuar vendin.” Me thirrjet “Rama ik”, mijëra protestues opozitarë kanë vazhduar protestën ndërsa deputetët e mazhorancës nën kujdesin e policisë së Ish-Gjeneralit janë futu në seancë në rrugë dytësore.
