Delegacioni i Edi Ramës nga PE: Edhe sikur Opozita të ketë të drejtë…

“Po humbas durimin nga qëndrimi i deputetëve të opozitës.” Kështu ishte shprehur Raportuesi për Shqipërinë pranë PE, Knut Fleckentesin, në takim me kryetarin e Parlamentit të Shqipërisë, Gramoz Ruçi, por nuk u mjaftua me kaq! Në përfundim të vizitës, kur Delegacioni i PE doli në një konferencë të përbashkët, u pa se durimin nuk e kisht humbur vetëm Fleckenstein.

Për të gjithë ata që deri më sot akuzuan At Gjergj Fishtën se ishte i ashpër ndaj Evropës, deklaratat e eurodeputetëve konfirmojnë se prifti i mençur shqiptar ishte treguar shumë modest.

Eurodeputetët erdhën për të dhënë leksione paqeje dhe integrimi, por treguan se si dezintegrohet një vend me kryeministër të dal nga “vota e popullit” pas mbjelljes së çdo cepi të tokës shqiptare me drogë, për ti blerë votat.

Këtë e vulosi edhe vetë Raportuesi i Shëipërisë pranë PE, Knut Fleckenstein:

“Ne i kuptojmë argumentet e Bashës, por edhe sikur opozita të ketë tërësisht të drejtë për akuzat, bojkotimi i Parlamentit, nuk është zgjidhje e problemit.”

Cila është zgjidhja?! Nuk e tha edhe pse i kuptoi argumentet e kryetarit të Partisë Demokratike, Lulzim Basha.

Vizitë e pakuptimtë

Delegacioni i Parlamentit Evropian kishte paralajmëruar një konferencë për shtyp pas takimit me Kryetarin e Parlamentit të Shqipërisë, Gramoz Ruçi që ishte edhe fundi i vizitës së këtij delegacioni në Shqipëri, por nuk kishin nevojë t’ia bëjën këtë qokë Edi Ramës, sepse Zyra e shtypit të shokut Gramoz u kujdes për të treguar përpara, se çfarë mendojnë eurodeputetët, para se ata ta hapin gojën para mediave.

Raportuesi për Shqipërinë pranë PE, Knut Fleckentesin kishte humbur durimin nga qëndrimi i Opozitës dhe për çudi kishte ardhur për të takuar shokun Gramoz. Që komunistët e duan njëri tjetrin këtë nuk e vënë njeri në dyshim, por ja çka thotë shoku Knut në këtë takim:  

“Po humbas durimin nga qëndrimi i deputetëve të opozitës. Protestat të ruajnë qetësinë. Pamjet e protestave vonojnë integrimin.” 

 Ndërkohë kreu i delegacionit të PE, Tunne Kelam erdhi në Tiranë për ti thënë shokut Gramoz, arrini konsensus dhe na dërgoni një sinjal pozitiv për negociatat:

“PE mbetet mbështetës i madh i anëtarësimit të Shqipërisë. Përpjekjet për të vonuar çeljen e negociatave nuk kanë mbështetjen tonë. Reforma në drejtësi është thelbësore për qeverisjen dhe besimin e qytetarëve. Po ikim me përshtypje pozitive për arritjet tuaja. Negative, ndarja politike dhe mungesa e bashkëpunimit. Është përgjegjësia e të gjithëve ju të bashkëpunoni për interesin kombëtar. Arrini konsensus dhe na dërgoni një sinjal pozitiv për negociatat.”

Por ma i këndshmi nga eurodeputetët në këtë takim dhe jo vetëm, ishte Cristian Preda, i cili ishte në dijeni për zgjedhjet e rregullta të vitit 2017 por jo edhe për “Dosjen 339” qërrëzon këtë vëzhgim të eurodeputetit:

“Kam vëzhguar zgjedhjet e 2017 dhe ishin korrekte. Në 5 mars informojmë PE për arritjet tuaja. Ka ende mundësi që opozita të kthehet në Kuvend, pas 10 ditësh do jetë vonë.”

Dhe pas kësaj qoke evropiane që i bënë Edi Ramës, shoku Gramoz foli si shefi i tij në Lushnje, vetëm se si komunist me tesere nuk përmendi fjalën QORR. Deklarata është po ajo:

“Objektivat për integrimin drejt përmbushjes. Reforma në drejtësi po ecën me shumë sukses. Vettingu është jetik për drejtësinë dhe Shqipërinë. Në qershor organet e reja të sistemit në funksion të plotë. Reforma elektorale është depozituar në Kuvend. Parlamenti është legjitim sepse vjen nga zgjedhje të ndershme. Zgjedhjet e 2017 janë të certifikuara nga 100% e numëruesve të opozitës. Zgjedhjet kanë probleme, por ato zgjidhen në Kuvend, i cili është në dispozicion të opozitës. Opozita gëzon të drejta që unë si opozitar nuk i ëndërroja. Basha ka fol dy orë më shumë se Kryeministri. Opozita ka fol tre orë më shumë se mazhoranca. Opozita ka refuzuar të përdor kontrollin parlamentar,” përfundoi rrëfimin e ëndrrës së tij mbi demokracinë para eurodeputetëve shoku Gramoz.

Dhe, delegacioni i Parlamentit Evropian vazhdoi rrugën për të përmbyllur vizitën me një konferencë për shtyp.

I kujt është ky delegacion

Çfarë mendon Raportuesi për Shqipërinë, Knut Fleckenstein, kjo nuk e emocionin askënd në Shqipëri, por pse dolën eurodeputetët pas këtyre fjalëve, meqë të gjitha mediat ishin pajisur me njoftimin e Zyrës së shtypit të shokut Gramoz, kjo nuk është e qartë.

Për ata shqiptarë që nuk e kanë humbur durimin për të dëgjuar shokun Knut me shok, deklarata është shumë më e frikshme se sa ajo që është bërë ndër komunistë me shokun Gramoz, por ja që e tha biri i botës internacionale. Pra, i kuptojnë argumentet e Bashës, por edhe sikur opozita të ketë tërësisht të drejtë për akuzat, bojkotimi i Parlamentit, nuk është zgjidhje e problemit

“Nuk kemi dyshim që ky kuvend do të vazhdojë rrugëtimin, ndoshta edhe me anëtarë të rinj, por do të shikojmë, se cili do të jetë vendimi që do të merret në qershor.

Ndoshta disa prej jush e mbani mend kur unë kam ardhur me Kukan, ka qenë bojkot i opozitës në Kuvend dhe asgjë nuk ka ndryshuar, më vjen keq për djegien e mandateve, pra bojkot nuk është një mënyrë e duhur për ti zgjidhur problemet në vendin tuaj, presim që deputetët të bëjnë detyrën e tyre dhe të shkojnë në punë.

Ne e bëmë të qartë, se ne i kuptojmë argumentet e Bashës, por edhe sikur opozita të ketë tërësisht të drejtë për akuzat, bojkotimi i Kuvendit, nuk është zgjidhje e problemit dhe në fund dëshiroj të them që u befasova, u çudita shumë por edhe u zhgënjeva shumë nga kryetarja e LSI-së, pasi ajo tha vetëm një fjali, në fund të takimit, e kanë marrë vendimit që në Shqipëri ka nevojë për ndryshim pushteti për shoqërinë dhe vendin e në rast se evropianët nuk e kuptojnë ky nuk është problemi i tyre, ky është një mesazh i qartë dhe besoj se ata në Bruksel që marrin vendime dhe ata që janë në Shqipëri duhet të kuptojnë se në cilën anë gjendet secili.”

Për kreun e këtij delegacioni të PE, Tunne Kelam, nuk është shqetësim që për shkak t ë politikave të kryeministrit Edi Rama, Sqhipërinë e kanë braktisur 500 mijë njerëz, që çdo ditë mbyllen mijëra biznese, që Shëndetësia është shkatërruar, dhe kur BE nuk reagoi të njëjtën gjë bëri edhe me Drejtësinë dhe Arsimi, se opozita nuk ka të drejtën e fjalës në PE, por sipas tij, sinjali më i keq që mund të japë Shqipëria është që ka ndasi dhe mungesë të strategjisë politike.

“Të gjitha problemet mund të zgjidhen brenda BE. Të gjitha problemet e demokracisë, të shkeljes së demokracisë, të bashkëpunimit mes partive, pra të gjithë mund të zgjidhen në kuadër të BE. Është e rëndësishme që të mos vonohet, ose mos shkaktohen vonesa të tjera në këtë proces.

Ne jemi po aq të interesuar që të mirëpresim Shqipërinë në anëtarësimin e BE, po aq sa jeni ju shqiptarët të interesuar. Ju keni bërë progres në shumë fusha, keni shumë për të bërë. Vëmendja jonë shkon në reformën në drejtësi, në procesin e vetingut. Por pjesa më e rëndësishme është zbatimi. Për këtë zbatim, dhe për të qenë ju të gatshëm për hapjen e negociatave nevojitet bashkëpunim i brendshëm.

Sinjali më i keq që mund t japë Shqipëria është që ka ndasi dhe mungesë të strategjisë politike për këtë objektiv.

Kërkohet unitet politik, konsensusi kombëtar është i rëndësishëm.

Edhe pse jemi përfaqësues të partive të ndryshme politike ne jemi të bashkuar në qasjen tonë, që nëse Shqipëria është demokraci dhe nëse zgjedhjet janë mbajtur, mund të ketë probleme me zgjedhjet, ato janë njohur dhe pranuar.

Bojkotimi nga parlamenti është një sinjal shumë i keq. Kjo cënon besueshmërinë. Ne nuk jemi dakord që bojkotimi i parlamentit do të ishte gjëja e duhur.

U bëjmë thirrje partive politike, shoqërisë civile që të ushtrojnë presion që të bashkohen me njëri-tjetrin. Nuk mund të gjesh dot një pretendim për të vonuar objektivin për shkak të ndasive që lidhen me interesat partiake. Ne jemi kundër protestave të dhunshme. Ne jemi shumë kundër nxitjes së dhunës nga partitë politike.

Pasi jemi takuar me shumë përfaqësues të shoqërisë civile dhe pasi jemi takuar me organizata të rinisë përfundimi ynë është që Shqipëria ka shumë më tepër nevojë për hapësirë, për shoqëri civile aktive dhe se organizatat e shoqërisë civile kanë nevojë të kenë akses dhe të marrin pjesë në ligjvënie.

Një tjetër gjë është se e ardhmja e Shqipërisë, është rinia e saj. Ofrimi i arsimit të lartë për të rinjtë do të thotë dhënia e aftësisë për të shmangur idenë për tu larguar nga vendit. Zëri i studentëve duhet të dëgjohet nga qeveria, për reformën në arsim,” tha eurodeputeti Kelam dukshëm I painformuar edhe për këtë pikë, sepse ai për të cilin ankohet opozita, Edi Rama, është pikërisht ai I cili shkatërroi të ardhmen e këtij vendi, rininë dhe arsimimin e saj.

Por batërdia evropiane nuk përfundoi këtu! Eurodeputeti  Cristian Preda konstaton një kryeministër me optimizëm tragjik, thotë se I ka kërkuar të bisedoj me opozitën, presionet ndaj protestuesëve janë rrezik për detabilizim por gjithçka përmbyllet me faktin se kryeministri Edi Rama ka dalë nga zgjedhjet e certifikuara të 2017 që i lejojnë, sipas këtij delegacioni evropian, edhe ta shkatërroj vendin.

“Kam tre fjali të thjeshta për të thënë. E para që ju si kryeministër keni një optimist tragjik. Ai vetë e ka shpjeguar dhe vetë e ka përshkuar veten si të tillë dhe na e ka kërkuar që të çelen negociatat me Shqipërinë.

Natyrisht çelja e negociatave vjen nga shtetet anëtarë, ndërsa ne si deputetë të PE e mbështesim çeljen e negociatave, pasi ne dëshirojmë të flasim me Europën.

Është e rëndësishme që përpara qershorit shqiptarët të flasin me njëri-tjetrin. E ftoj kryeministrin që të bisedojë me opozitën. Do të jetë sukses i madh vërtetë në rast se përpara takimit të këshillit në qershor shqiptarët të bisedojnë me njëri-tjetrin, të kryejnë disa biseda së brendshmi

Së dyti ju keni pasur protesta masive, që dolën nga të rinjtë. Është e papranueshme që atyre tu bëhet presion. Disa njerëz janë hequr nga puna, ata janë në listën e zezë për arsye të të drejtës që ushtruan për të protestuar. Është një rrezik i madh për destabilizimin

E treta, liria e shtypit. Ne e kemi diskutuar me gazetarët investigativ dhe kemi dëgjuar se në rast se ne në BE kemi lajme të rremë që vijnë nga Kremlini, këtu lajmet e rreme vijnë nga qeveria, por edhe nga partitë në opozitë. Liria e shtypit është thelbësore, ju lutem respektojeni atë. Ne në Shqipëri se në çdo vend tjetër në Ballkan apo BE, duam një liri të vërtetë të shtypit,” thekson Preda.

Qershia mbi tortë ishte rezervuar të vihet nga kreu i Delegacionit të Edi Ramës nga PE, Tunne Kelam, për ti thënë dy marrëzira shqiptarëve që mund ti kishte thënë edhe me një videomesazh, siç bënte kryeministri me kuksianët.

I pyetur për kërkesën kryesore të opozitës, për qeveri tranzitore pa Edi Ramën, ai nuk tha vetëm “JO”, por e çoi deri në fund avokatinë dedikuar kryeministrit shqiptar:

“Ne e kemi diskutuar këtë ide, mendimi im është që parlamenti është zgjedhur në mënyrë të ligjshme, ju keni një qeveri legjitime dhe mendoj që përqëndrimi te ideja e një qeverie të përkohshme do të dëmtonte përqendrimin që duhet të keni për hapjen e negociatave. Përgatitja për qeshorin do të thotë pajtim dhe unitet kombëtar dhe si e thashë kjo është puna juaj.”

Dhe në fund, për të sqaruar gjithë shqiptarë, se pse kreu I delegacionit gjatë konferencës për shtyp i kishte hipur aparatit fotografik dhe po shkrepte si i babëzitur e sqaroi me përgjigjen në pyetjen nëse do të ndërmjetësojnë ndërkombëtarët:

“Jo ka ardhur koha që Shqipëria të zgjidhë problemet e veta. Por mos na i transferoni ne problemet për ti zgjidhur ne, do të duhet ti zgjidhni këtu. Ju keni shumë ndërmjetësim. Është puna juaj, është problemi i brendshëm i juaji dhe duhet të ngriheni mbi interesa partiakë. Kjo është mënyra si duhet të punojnë.”