Takimi me Thaçin, Mustafa: Disa budallenj e cilësuan tradhti. Ja çfarë biseduam
Pas
takimit që Isa Mustafa zhvilloi mbrëmë me Presidentin Thaçi, e ku u bënë edhe shumë
hamendësime sa takimi u cilësua edhe tradhti, sot kryetari i LDK, reagoi duke
sqaruar natyrën e takimit dhe atë që u bisedua gjatë këtij takimi.
“Kam vërejtur se ka pasur spekulime si dhe akuza
për këtë takim; disa budallenj e kanë cilësuar edhe si tradhti. Të tillët janë
injorantë e zjarrvënës,” thekson Isa Mustafa përmes rrjetit social Facebook
duke shtuar se kur është në pyetje interesi i shtetit dhe partneriteti me
SHBA-të do të bisedoj dhe do të takohem me të gjithë, sepse i besoj programit
dhe frymës së LDK-së.
“LDK
nuk është parti diskomunikuese, nuk frikësohemi nga takimet, sepse u qëndrojmë
besnik zotimeve tona politike,” tha kryetari I LDK, Isa Mustafa duke bërë të ditur
se ditët e kaluara ka komunikuar
edhe me Kryeministrin Haradinaj dhe me Zv/kryeministrin
Limaj. Më herët edhe me Z.Kurti.
Ja statusi i plotë:
Mbrëmë e takova Presidentin Thaçi në shtëpinë time. Kërkoi të më informoj, si kryetarin e partisë më të madhe politike, për kërkesat por edhe paralajmërimet për masa, shumë serioze, ndaj Kosovës, të deklaruara nga delegacioni i lartë i SHBA-së.
Ia shpreha brengosjen time dhe të LDK-së për situatën në të cilën koalicioni qeverisës e ka sjellë vendin. Kërkova nga Presidenti që të heq dorë nga orientimi i tij dhe diskursi politik për korrigjim të kufijve, në mënyrë që të krijohet një ambient normal për dialog dhe të evitohet frika nga dialogu.
Se LDK nuk do të pajtohet ne asnjë mënyrë që të dialogohet për territorin, sepse kjo qon në rihapje të shtetësisë. Poashtu, theksova se është përgjegjësi e koalicionit qeverisës që të gjej zgjidhje, në mënyrë që të ruhet partneriteti me SHBA-të, si aleatin tonë strategjik. Ia shpreha qëndrimet e LDK-së për dialogun dhe nevojën që para dialogut të shkohet në zgjedhje, për të siguruar legjitimitetin.
Kam vërejtur se ka pasur spekulime si dhe akuza për këtë takim; disa budallenjë e kanë cilësuar edhe si tradhti. Të tillët janë injorantë e zjarrëvënës.
Kur është në pyetje interesi i shtetit dhe partneriteti me SHBA-të do të bisedoj dhe do të takohem me të gjithë, sepse i besoj programit dhe frymës së LDK-së. LDK nuk është parti diskomunikuese, nuk frikësohemi nga takimet, sepse u qëndrojmë besnik zotimeve tona politike.
Ditet e kaluara kam komunikuar edhe me Kryeministrin Haradinaj dhe me zv.kryeministrin Limaj. Më herët edhe me z. Kurti. Të gjithë ne kemi përgjegjësi për këtë vend, si pozitë dhe si opozitë. IM
