Ftesë për ndryshim/ Basha në Paskuqan: Të gjithë në protestë më 16 Mars

Kryetari i Partisë Demokratike, Lulzim Basha, pasi konstatoi gjendjen e vështirë ekonomike dhe sociale me të cilën po përballen edhe banorët e në Paskuqan, i ftoi ata që të bëhen pjesë e ndryshimit dhe më 16 Mars të bëhen pjesë e Protestës së Opozitës së Bashkuar:

 “Më kanë hequr ndihmën ekonomike. Jam e divorcuar me një fëmijë. Më kanë refuzuar ndihmën ekonomike. Shtëpinë e kam skandal. Të vish të shohësh shtëpinë time se a e meritoj ndihmën apo jo. Më thanë se nuk plotësoj pikët sepse kam shkollën afër, kam ambulancën afër,” ishte rrëfimi i njërës prej atyre rasteve që u persekutuan nga politika sociale e Edi Ramës, të cilit, thekson ajo i kishte çuar letër se ka 6 muaj pa drita me fëmijë të vogël sepse ia kishin prerë por ai nuk i kishte kthyer përgjigje.

“Në Bllok marrin më shumë ndihmë ekonomike se në Paskuqan. Kjo tregon se qeveria e ka humbur komplet kontaktin me realitetin. Ti e meriton ndihmën ekonomike dhe duhet ta marrësh. Ato para që duhet të marrësh ti sot i merr një oligark. Me lekët e një muaji që ti merr për ndihmë ekonomike, ata i harxhojnë për 10 min drekë. Kjo duhet të ndryshojë të mos e lëmë të bëhet më keq,” tha Lulzim Basha pas takimit me disa nga banorët e Paskuqanit duke i ftuar në protestën e 16 Marsit:

“Ky shtet nuk do t’ia dijë për ty dhe nuk e di që ti ekziston. Të kesh besim se ne do ta ndryshojmë këtë situatë. Të gjithë në protestë më datë 16 mars.”