Dhuna ndaj protestuesve, largohet Drejtori i policisë së Fierit. Komandohet…

Pas dhunës së ushtruar ndaj protestuesve të Opozitës, mësohet se është shkarkuar Drejtori i Policisë së Fierit, Albert Nushi, ndërsa në vend të tij është komanduar Nëndrejtori i Policisë Fier, Andon Marko.

Nushi, i cili drejtoi policinë e Fierit për një periudhë thuajse 2-vjeçare, është komanduar Nëndrejtor në policinë e Elbasanit

Nuk dihen arsyet zyrtare të kësaj lëvizje të bërë në radhët e krerëve të policisë ndërkohë që më herët sot ka lënë detyrën edhe kreu i Policisë së Vlorës, Gentian Shehaj, që ishte në atë detyrë që prej prillit të vitit 2017. Në vend të tij u caktua Artion Duka, që më parë ka qenë shef i Policisë së Beratit

Shkarkimi i Albert Nushi u shkarkua pasi drejtoi efektivët e Fierit në garantimin e qetësisë dhe sigurisë gjatë protestës së Opozitës.

Ndonëse Opozita u ankua për përdorimin e dhunës ndaj protestuesve nga ana e policisë së drejtuar nga Nushi, duke pasur parasysh botëkuptimin e dhunës nga Ish-Gjeneral Sandër Lleshaj dhe kryeministri Edi Rama, ky shkarkim mund të ketë ardhur edhe për shkak të paknaqësisë nga niveli i ulët dhunës së përdorur nga policia. Ndryshe, Albert Nushi drejtoi Policinë e Fierit për një periudhë 2-vjeçare.