Beograd, protesta “1 prej 5 milionëve”: Zgjimi i ndërgjegjes qytetare, arma e vetme kundër Vuçiçit!
Në Beogradi u zhvillua protesta e 14-të me radhë nën moton “Njëri prej pesë milionëve” duke u mbledhur para Fakultetit Filozofik për të marshuar nëpër qendër të qyteti me itinerar të zakonshëm deri tek godina e Televizionit publik të Serbisë, RTS, të cilin mbrëmjen e sotme e gjuajtën me vezë.
Në fillim të protestës, fjalën e mori publicisti Vladimir Dimitrijeviç duke theksuar se protestat qytetare duhet të jenë mbrojtje nga shteti juridik të cilën e ka anuluar regjimi i Vuçiçit.
“Në shtetin të cilin gjithçka është shndërruar në dhunë, nga projekti ‘Beogradi në ujë’ deri tek djegia e shtëpive të kritikëve të regjimit, nuk duhet të harrojmë se ilaçi i vetëm është shteti ligjor,” tha Dimitrijeviç duke shtuar se po protestojnë kundër pushtetit duke kërkuar që të kthehen nga gjendja parapolitike në të cilën i ka sjellë pushteti, në gjendjen demokratiko-politike dhe rendin e vërtetë ligjor.
Më pas, protestuesit janë nisur në marshin e zakonshëm ku në Terazije fjalën e mori aktori Branisllav Lleçiç. Çdo pushtet, tha ai, vjenë në situatën që të korruptohet nëse nuk e ka shtyllën e katërt të shoqërisë, e ky është opinioni publik demokratik – ndërgjegjja qytetare. Tani kemi frekuenca kombëtare, tha Branisllav Lleçiç, të cilat nuk bëjnë asgjë tjetër vetëm se në mënyrë statistikore informojnë se kanë ndodhur disa protesta.
“Çdo institucionin duhet të ketë kujdes për popullin i cili është i pakënaqur, i cili dëshiron që të thotë mendimin e tij. Çdo medie kombëtare duhet ta transmetoj,” tha Lleçiç duke shtuar se qytetarët e Serbisë janë fuqi, dhe shteti ashtu si edhe institucionet e saj, ekzistojnë për ta.
“Nuk është okupator, por këta sillen si okupator. I akuzoj se po përçajnë popullin, se ndjellin frikën. Kur të zgjohet ndërgjegjja qytetare, kurrfarë arme tjetër më e fortë nuk ju duhet,” tha aktori Branisllav Lleçiç duke i bërë thirrje telelvizioneve kombëtare që të hapen sa më shpejtë.
Më pas protestuesit vazhduan deri tek godina e Televizionit publik të Serbisë, RTS, ku e bllokuan hyrjen me kërkesën që të shkarkohet Drejtori i Përgjithshëm, Dragan Vujosheviç dhe kryeredaktori Nenad L.Stefanoviç.
Protesta me moton “Njëri prej pesë milionëve” sonte janë zhvilluar edhe në qytetet tjera të Serbisë, si Jagodinë, Kragujevc, Pirot etj.
Ndryshe, protesta e parë e qytetarëve të pakënaqur të Beogradit është zhvilluar më 8 Dhjetor me moton “Stop kmishave të përgjakura” pas sulmit ndaj liderit të së Majtës së Serbisë, Borko Stefanoviç në Krushevc, më 23 nëntor. Protestuesit kërkuan të zbulohen urdhërdhënësit për sulmin ndaj Stefanoviçit, vrasjes së Oliver Ivanoviçit dhe tentimvrasjes së gazetarit Milan Jovanoviç. Më pas janë shtuar edhe kërkesat për shkarkimin e Drejtorit të Përgjithshëm të RTS dhe publikimin e Planit për zgjidhjen e çështjes së Kosovës. Kjo protestë është mbështetur nga pedagogët e Fakultetit të Shkencave Politike, Fakultetit Filozofik, Fakultetit të Arteve etj.
