Premtimi/ Pakt kombëtar, Basha në Korçë: Qeveri që ka frikë qytetarët dhe jo qytetarë që…

Kryetari i Partisë Demokratike, Lulzim Basha, pas takimit me biznesin, të rinjtë dhe qytetarët e Korçës, duke  konstatuar se ky qytet kurrë nuk ishte në gjendje kaq të vështirë thekson se kurrë nuk e ka parë Korçën as më të revoltuar, më të zemëruar dhe më të vendosur ndaj ju bëri thirrje që të bëhen pjesë e një konsultimi për një pakt kombëtar, që Shqipëria të ketë një qeveri që ka frikë qytetarët dhe jo qytetarë që kanë frikë qeverinë.

“Qytetarët e Korçës kanë marrë një vendim, njësoj si qytetarët e gjithë Shqipërisë: Të jenë ju zotër në shtëpinë tuaj, jo më krimi i organizuar, jo më bandat dhe hajdutët që kanë gjashtë vite që jetojnë me djersën tuaj, me të ardhurat tuaja, që i marrin përmes gjobave dhe taksave dhe jetojnë duke shkelur mbi dinjitetin tuaj,” tha Lulzim Basha duke shtuar se me Edi Ramën nuk ka mirëqenie, nuk ka zhvillim, nuk ka punësim. Me Edi Ramën ka vetëm grabitje, vetëm vjedhje, vetëm pasurim të një grupi njerëzish në kurrizin tuaj, të familjeve tuaja, të fëmijëve tuaj, të të ardhmes tuaj.

Duke ftuar qytetarët e Korçës në protestën kombëtare të datës 16 Mars ku fundi i qeverisë së hajdutëve është i sigurt, lideri i Opozitës  premtoi një pakt kombëtar që Shqipëria të ketë një qeveri që ka frikë qytetarët dhe jo qytetarë që kanë frikë qeverinë. 

“Unë ju jap fjalën se kjo betejë nuk do të përfundojë thjesht me largimin e Edi Ramës, por me shembjen e kësaj lloj qeverie që bën pakt me krimin dhe me oligarkinë dhe pastaj hip mbi shpinë dhe mbi qafë qytetarëve. Unë ju ftoj që të bëheni pjesë e një konsultimi kombëtar për një pakt kombëtar, për një pakt kombëtar për të cilin Shqipëria të ketë një qeveri që ka frikë qytetarët dhe jo qytetarë që kanë frikë qeverinë. Ju duhet të vendosni për veten tuaj.” 

Sot vendos mafia. Mafia me firmën e Edi Ramës ka firmosur për TEC-in në Korçë. Ja ku e keni, tha Basha duke akuzuar përveç kryeministrit edhe Niko Peleshin dhe Sotiraq Filon .

 “Qindra milionë tonë dioksid karboni për mushkëritë e korçarëve, ja sa shumë ju do Edi Rama ju. Ja dashuria e Edi Ramës për Korçën dhe korçarët. Siç ka firmosur Edi Rama ka firmosur edhe Niko Peleshi, edhe Sotiraq Filo. Këta janë njerëz të cilët për të mbushur xhepat e tyre në këtë aferë korruptive janë gati t’ju helmojnë ju dhe fëmijët tuaj. Këta nuk janë vetëm hajdutë, këta janë kriminelë dhe duhen larguar një orë e më parë,” tha ai duke shtuar se vetëm bashkimi qytetar dhe vendosmëria, pathyeshmëria dhe dhënia e fund e përçarjes dhe indiferencës qytetare do ta fitojë këtë betejë.

“Ju të bashkuar më 16 shkurt keni hapur një kapitull të ri për Shqipërinë. Ne u përgjigjem me djegien e mandatave parlamentare, aktin më demokratik, më ligjor dhe më moral që ka ndërmarrë ndonjëherë një opozitë. Sepse ne nuk mund të pranonim më të ishim fasadë e parlamenti kriminal dhe një qeverie kriminale që helmon Korçën me tec-eve korruptive, që shkatërron biznesin me taksa korruptive, që po ju nxin jetën qytetarëve me çmime më të larta të naftës dhe të energjisë në rajon dhe në Europë, vetëm për t’u pasuruar Edi Rama dhe një grusht banditësh.”

Ne nuk mund të ishim pjesë e një parlamenti i cili ligjin e ka për të goditur të pambrojturit dhe të pafajshmit dhe për të mbrojtur kriminelët dhe trafikantët, tha kryetari i PD, duke sqaruar se si i dhanë fund kësaj asambleje të krimit.

Më 16 mars ora 11:00 është ora juaj të merrni vendimin e madh për t’u ndarë një herë e përgjithmonë nga kjo e keqe dhe për të nisur bashkë rrugëtimin tonë të shpresës që do ta bëjë, jo thjesht e duam, por do ta bëjmë Shqipërinë si gjithë Europa, tha kryetari i Partisë Demokratike, Lulzim Basha duek ftuar korçarët në protestën e 16 marsit siç erdhën më 16 shkurt, madje edhe më shumë, në bashkimin më të madh të shqiptarëve, në takimin me historinë, ndërsa përfundoi:

“Shqipëria si gjithë Europa na thërret! E ardhmja e fëmijëve tuaj na thërret! Ejani më 16 mars në takimin tonë me historinë europiane të Korçës dhe gjithë Shqipërisë!”