Seanca plenare/ Sot i betohen Edi Ramës, 4 “demokratët” e kthyer në partinë mëmë…
Sot seanca plenare e cila pritet të filloj në orën 10:00 me një rend dite rutinë do të karakterizohet me policë që do të ruajnë rendin dhe qetësinë publike brenda dhe jashtë Parlamentit, aty ku vazhdon të betohet “Opozita e Edi Ramës” dhe të duartrokitet nga mazhoranca.
Risi e kësaj seance plenare do të jetë betimi i disa deputetëve komunistë të LSI që nuk përfillën vendimin e strukturave të partisë dhe u kthyen në partinë kriminale mëmë, si dhe disa komunistëve që përkohësisht kishin veshur petkun e Partisë Demokratike për ti shërbyer PPSH, si të infiltruar në strukturat demokratike.
Konkretisht, pasi Këshilli i Mandateve vendosi që t’i përcjellë seancës plenare raportin për dhënien e mandatit të deputetit për kandidatët Elda Hoti e LSI, Erdiola Braha e LSI, Edlira Hysenit e LSI; Lefter Maliqit të PD dhe Majlinda Halilajt të PD-së, sot pritet që Parlamentit t’i shtohen pesë deputetë të rinj, që sipas Rregullores, ata do të betohen për të marrë edhe detyrën e ligjvënësit socialistë si “Opozitë e Edi Ramës”.
Gjithashtu, deputetë në shërbim të Edi Ramës me votat e Partisë Demokratike pritet të betohen edhe Ligoraq Karamelo dhe Alban Zeneli për të cilët pritet edhe vula nga Këshilli i Mandateve, përpara se sa të kalojnë në seancë plenare.
Ndryshe, edhe sot Parlamenti është i blinduar me forca të mëdha policore në pritje të Opozitës, dhe, për dallim nga seanca e kaluar, me urdhër të shokut Gramoz, betimi i deputetëve komunistë që sot zhvishen nga petku i Partisë Demokratike, nuk do të kryhet me ceremoni partiake, meqë është ndaluar duartrokitja pasi ata ti kthehen shërbimit në partinë mëmë.
Ja dhe Rendi i Ditës:
