Reshje bore/ Kujdes, ARRSH: Ja ku janë të domosdoshëm zinxhirët…

Reshjet e borës që kanë vijuar gjatë gjithë natës të shoqëruara me temperaturat e ulëta, kanë vështirësuar qarkullimin në disa qarqe të vendit.

Përkundër angazhimit të Autoritetit Rrugor Shqiptar në pastrimin e borës, për shkak të ngricave të krijuara në disa akse rrugore, ARRSH i bënë thirrje drejtuesëve të mjeteve për kujdes, të respektojnë sinjalistikën rrugore, të lëvizin me shpejtësi të reduktuar dhe të vendosin zinxhir në akset ku është e domosdoshme.

Njoftim

Vazhdon puna për mirëmbajtjen dimërore me mjetet borëpastruese dhe fuqi punëtore.

Në Rajonin Verior pavarësisht reshjeve të dendura të borës në akset krysore nuk ka probleme me qarkullimin, me zinxhir kalohet vetëm në:
Ura Çerenecit-Stebleve (5 km e fundit).

Në Rajonin Qendror nuk ka probleme në qarkullimin e mjeteve në akset rrugore të tij. Kalohet me zinxhir vetëm në aksin Librazhd-Steblevë (në 8 km e fundit).

Vazhdon hedhja e kripes nga kontraktori.

Në Rajonin Jugor kalimi bëhet me zinxhir në rrugën Boboshticë-Dardhë, Korçë-Qafë Qarri-Ersekë nga km 14-22. 

Në akset e tjera kalimi pa zinxhir.

Drejtuesit e mjeteve të tregohen të kujdesshëm, të respektojnë sinjalistikën rrugore, të ecin me shpejtësi të reduktuar dhe të vendosin zinxhir në akset ku kemi lajmëruar.