Fajdexhinjtë e Shkodrës/ “Maranaj”, arrestohen 11 persona. Ka zyrtarë policie dhe gjykate…

Pas zbulimit të skemës së fajdeve në Shkodër me interes deri në 20 %,  dhe me finalizimin e operacionit të koduar “Maranaj”, në pranga kanë përfunduar 11 persona dhe 5 janë shpallur në kërkim.

Në mesin të arrestuarve janë edhe ish-kancelari i Gjykatës së Shkodrës, Artan Dragani, noteria pranë Dhomës së Noterisë Shkodër, Valbona Hajdari dhe efektivi i policisë Ergys Lohja.

“Dhënia hua e këtyre shumave është për interesa shumë të larta që shkojnë nga 3%-20% në javë nga ana e personave të implikuar,” thekson Prokuroria ndërkohë gjatë hetimit ka rezultuar se përvetësimi i disa pasurive të paluajtshme si toka, apartamente dhe dyqane, kishte kaluar në pronësi, në emër të dyshuarve.

Pas përgjimeve telefonike, ambientale, vëzhgimit, të legjitimuar nga Gjykata, administrimit të akteve shkresore, ka rezultuar se përfshirja në veprimtari kriminale e 22 personave, emrat e të cilëve u regjistruan si autorë të veprave penale, “Ushtrim pa liçencë e veprimtarisë bankare”, me pasoja të renda, në bashkëpunim, “Pastrim i produkteve të veprës penale”, “Shpërdorim detyre” dhe “Moskallëzim të krimit”.

Me vendim të Gjykatës së Shkallës Parë Shkodër janë caktuar dhe ekzekutuar masat e sigurimit personal “Arrest ne burg” për 11 shtetas, 5 janë shpallur në kërkim , janë sekuestruar një numër i madh automjetesh, rreth 500.000 euro, celularë etj.

Në përfundim të aksionit i cili u kodua “Maranaj” Policia e Shtetit bënë të ditur se në pranga kanë rënë 11 persona si dhe 5 të tjerë u shpallën në kërkim

“Me vendim të Gjykatës së Shkallës Parë Shkodër u dhane 19 masa sigurie, nga të cilët; 16 masa arrest me burg; 2 masa “Pezullim i ushtrimit të një detyre apo shërbimi Publik” ; 1 masë sigurimi “Detyrim për tu paraqitur në policinë gjyqësore”, si dhe 22 masa të tjera për kontrolle banesash e ambientesh.

Njoftimi i policisë

Sot, në kuadrin e operacionit policor “MARANAJ” të ndërmarrë nga Drejtoria e Policisë Vendore Shkoder nen drejtimin e Prokurorise se Rrethit Gjyqësor pranë Gjykatës së Shkallës së Parë Shkodër, dhe mbeshtetjen e Drejtorise për Krimet Ekonomike e Financiare, Drejtorise se Forcës së Posaçme Operacionale në Departamentin e Policisë Kriminale, Drejtorise se Forcës Lëvizëse Operacionale në Departamentin e Sigursisë Publike, pas një hetimi proaktiv disamujor, siguruan prova për 19 të dyshuar, për veprat penale të “Pastrimit të Produkteve të Veprës penale”, “Ushtrim aktiviteti financiar të paliçensuar”, “Shpërdorim detyre”, “Prodhim dhe Mbajtje pa leje e armeve luftarake dhe municioneve” dhe “Mos kallzim krimi”.

Gjatë hetimit proaktiv janë krijuar dyshime të arsyeshme si dhe janë gjetur e sekuestruar prova materiale që hedhin dritë mbi aktivitetin e tyre kriminal.

Në vazhdim të hetimit me vendim të Gjykatës së Shkallës Parë Shkodër u dhane 19 masa sigurie, nga të cilët; 16 masa arrest me burg; 2 masa “Pezullim i ushtrimit të një detyre apo shërbimi Publik” ; 1 masë sigurimi “Detyrim për tu paraqitur në policinë gjyqësore”, si dhe 22 masa të tjera për kontrolle banesash e ambientesh.

Të arrestuar janë shtetasit:

1. B. A. 61 vjec nga Shkodra

2. E. M., 33 vjec nga Shkodra

3.A.B. 22 vjec, nga Shkodra;

4. A.D. 39 vjec nga Shkodra

5. M.B. 31 vjec nga Shkodra

6.V.N, 37 vjec lindur në Podgoric dhe banues në Shkodër;

7. E.F., 38 vjec nga Shkodra

8. E.Q., 41 vjec, nga Shkodra

9. P.V., 54 vjec nga Shkodra;

10. L.S., 48 vjec nga Shkodra;

11. N.A. 52 vjec lindur në Pukë dhe banues në Tiranë;

U shpallën në kërkim dhe po punohet për kapjen e 5 shtetasve të tjerë.

U ekzekutua gjithashtu edhe masta e sigurisë:

Pezullimi i ushtrimit të një detyre a shërbimi Publik” dhe ”Detyrim Paraqitje” për tre shtetas:

1. V.H., nga Shkodra;
2. A.S., nga Shkodra
3. E.L., nga Shkodra.

Gajtë operacionit dhe kontrolleve u gjetën dhe sekuestruan në cilësinë e provave materiale:

– 238 600 Euro CASH
– 272 400 dollare CASH
– 414 000 Lekë 
– 510 Paund Britanik
– 20 automejte transporti
– 1 revolver,
– 1 krëhër pistolete me fishekë
– 1 armë gjahu pa leje
– 5 kompjutera laptop
– 50 celualarë
– Dokumente, kontrata, akte dhe deklarta noteriale, për pasuri e transaksione financiare të dyshuara.

Vazhdojnë hetimet financiare për dokumentimin e të gjitha pasurive të vëna nga aktiviteti kriminal, me qëllim sekuestrimin, konfiskimin dhe rikuperimin tek viktimat e krimit.

Në këtë operacion morën pjesë 160 forca policore dhe 30 automjete të policisë, përfshirë edhe automjete për transportim mjetesh transporti.

Policia e Shtetit, nën drejtimin e Prokurorisë po vijon veprimet për të zbardhur rolin dhe aktivitetin e tyre apo personave të tjerë të lidhur me ta. Ne sigurojmë qytetarët se do të vazhdojmë të jemi të angazhuar për të garantuar qetësi, rend e siguri, duke goditur me ashpërsinë e forcës së ligjit çdo individ të përfshirë në aktivitet kriminal.