Protesta e Opozitës/ Policia nis arrestimet, qytetarët mblidhen para Drejtorisë së Policisë

Pas përfundimit të protestës së Opozitës së Bashkuar, Edi Rama në panik nga protesta më masive që u zhvillua në historinë e Shqipërisë demokratike, ka nisur me arrestimet.

Dhjetëra persona janë shoqëruar në komisariatet e policisë, çka ka sjellë edhe reagimin e Partisë Demokratike si dhe tubimin e dhjetëra qytetarëve para Drejtorisë së Policisë, duke kërkuar lirimin e personave të ndaluar.

Ndryshe, pas deklaratës përplotë urrejtje politike dhe aspak profesionale si të Policisë së Shtetit ashtu dhe Ministrit të Brendshëm, Sandër Lleshaj, opozita ishte në pritje të terrorit policor të radhës, pas keqtrajtimeve që iu bënë shumë  eksponentëve të PD, gjatë kthimit në shtëpitë e tyre.