Bulqizë, helmohen 11 nxënës, PD: Qeveria s’po kursen as fëmijët!

Pas ngjarjes së rëndë që ndodhi në shkollën “Shefqet Tançi” në Bulqizë ku 11 nxënës u helmuan pas një eksperimenti të bërë në orën e kimisë, reagon Ish-Deputetja e Partisë Denmokratike, Dhurata Çupi duke theksuar se kjo qeveri nuk po kursen askënd madje as fëmijët që prindërit i çojnë në shkollë e përfundojnë nga pakujdesia e institucioneve në spital.

“Skandal në Bulqizë, helmohen 11 fëmijë të shkollës “Shefqet Tançi”. Ngjarja e rëndë ka ndodhur paraditen e sotme ndërsa nxënësit e klasës së gjashtë po kryenin një eksperiment në laboratorin e shkollës.

Fëmijët janë dërguar në urgjencë duke u përballur me pasoja të rënda të helmimit. Për fatin e keq helmi i kësaj qeverie nuk po kursen askënd, as fëmijët të cilët prindërit i  dërgojnë në shkollë e i përfundojnë në spital. Duhet të merren masa urgjente për largimin e produkteve të tilla helmuese nga të gjitha shkollat në vend,” thekson Dhurata Çupi në reagimin e saj përmes rrjetit social Facebook duk ekërkuar të  kryhet hetim i plotë nga organet kopetente për këtë ngjarje por edhe për procedurat që janë ndjekur për pajisjen e shkollave me këto produkte që u rrezikon shëndetin fëmijëve, ndërsa përfundon:

“Skenat që pamë sot me fëmijët e kësaj shkolle, janë tregues i papergjegjshmerise totale te autoriteteve pergjegjese. Fëmijëve të lënduar nga kjo ngjarje u uroj shërim të shpejtë si dhe prindërve të kenë durim për ta kaluar këtë moment.”

Ndryshe, nxënësit e klasës së VI-të të shkollës “Shefqet Tançi” u kanë nisur të vjellat 30 minuta pas eksperimentit të bërë gjatë orës së kimisë.
Nxënësit janë dërguar të gjithë në spital. Ata kanë treguar se kanë përdorur sapun 15 lekësh gjatë eksperimentit të tyre. Ene nuk dihen shkaqet në lidhje me këtë ngjarje të rëndë.