Çmendet Qeveria e Serbisë: Mikiç shprehu mendimin e popullit serb!

Qeveria e Serbisë nuk lejon një shqiptar të shërohet në një spital serbë edhe pse paguan, dhe i duket normale që një kriminele serbe të jetë pjesë e Qeverisë së Kosovës duke mos ndaluar të akuzoj çlirimtarin e shqiptarëve nga forcat kriminale serbe në vitin 1999.

Kështu, Zyra për Kosovën pranë Qeverisë së Serbisë tha se shkarkimi i Vesna Mikiçit nga posti i Zv/ministres së Drejtësisë në Kosovë “është edhe një tjetër provë që kryeministrit të Kosovës Ramush Haradinaj i duhen serbë të dëgjueshëm dhe të bindur”.

Kryeministri i Kosovës, Ramush Haradinaj, njoftoi dje se ka liruar nga detyra Zv/ministren e Drejtësisë, Mikiq, e cila vjen nga radhët e subjektit politik Lista Serbe.

Haradinaj tha se ky vendim u mor pasi Mikiq deklaroi se bombardimet e NATO-s mbi caqet e ish-Jugosllavisë ishin gjenocid ndaj shtetit dhe popullit serb.

Në reagimin e Zyrës për Kosovën pranë Qeverisë së Serbisë thuhet se Mikiç, “duke e quajtur agresionin ndaj popullit serb gjenocid dhe separatistët shqiptarë terroristë”, ajo “ka shprehur mendimin që mbizotëron në mesin e popullit serb”.

“Haradinaj dhe bashkëpunëtorët e tij mund t’iu ngrenë edhe dhjetëra monumente agresorëve dhe terroristëve, por populli serb nuk do të detyrohet t’i respektojë ata që i kanë bërë keq”, thuhet në reagimin e Zyrës për Kosovën, raporton RFE.

Shkarkimin e Mikiçit e dënoi edhe subjekti i saj politik Lista Srpska.

Sipas kryeministrit Haradinaj, deklaratat e Mikiçit janë “të papranueshme dhe përkojnë me gjuhën e urrejtjes”. Haradinaj tha se Mikiç i bëri komentet në Ministrinë e Drejtësisë.

Në vitin 1999, aleanca e NATO-s bombardoi forcat e ushtrisë serbe për t’i dhënë fund luftës në Kosovë. Sulmet zgjatën 78 ditë, ndërsa përvjetori i 20-të i nisjes së tyre u shënua të dielën