Turpi Kombëtar/ Enver Hoxha e vrau, Edi Rama e bleu “Ballin”!

Ata që u përndjekën, u vranë dhe u përqeshën me pula në dorë deri ditën e sotme nga komunistët dhe lideri i tyre aktual, Edi Rama, “Balli Kombëtar”, sot janë pjesë e qeverisjes komuniste.

Pas djegies së mandateve nga deputetët e opozitës, njëri nga të rrallët që ishte në listën e Partisë Demokratike dhe nuk i vihej në dyshim besnikëria, Adriatik Alimadhi, për vetë faktin se vinte nga familja më e përndjekur  politike shqiptare, Balli Kombëtar, sot iu bashkua torturuesit dhe u betua para tij.

Balli Kombëtar nuk u ka distancua nga ky turp i kryetarit e ndoshta janë edhe në proces të ndryshimit të emrit, gjithsesi, e ndryshuan apo jo, prej sot ata janë Turpi Kombëtar!  

Kështu, në procesin e përdhosjes së vlerave dhe simboleve kombëtare si dhe institucioneve të presidentit, parlamentit, qeverisë, policisë, ushtrisë, bankës, opozitës, radha i erdhi edhe vlerës më të çmuar kombëtare e cila i kishte mbet popullit shqiptar, Balli Kombëtar. Enver Hoxha i vrau mbarë por nuk i theu dot në asnjë mënyrë ndërkohë sot Edi Rama ndërsa me vite të tëra i përqeshte nga foltorja “ata që hanë pula”, tashmë i bleu. Dhe jo vetëm kaq! I bëri edhe pjesë të “Opozitës së Edi Ramës” të cilën e ka në krijim e sipër për t’ia shitë botës si normalitet të Shqipërisë së lirë dhe demokratike.