10 vjet në NATO/ Pjesëtarët e antimitingut të anëtarësimit në NATO sot ndjehen mirë!
Kryeministri Edi Rama ndonë ishte pjesë e mitingut që organizoi Partia Socialiste kundër anëtarësimit të Shqipërisë në NATO, sot gjatë fjalës së tij në 10-vjetorin e anëtarësimit të Shqipërisë në NATO, tha se ndjehet mirë që integrimi i Malit të Zi më parë dhe Maqedonisë së Veriut më pas, në MATO ka krijuar një hapësirë të gjerë në Ballkan për NATO-n dhe ka forcuar stabilitetin e Ballkanit.
Fjalë të tilla boshe dha edhe Presidenti Ilir Meta, i cili edhe pse nuk e pyet njeri për asgjë, aq më pak kryeministri aEdi Rama, ai ka garantuar sot nga cermonia për nder të 10 vjetorit të anëtarësimit të Shqipërisë në NATO, se ai do të mbështesë çdo nismë e projekt që i shërben forcimit të Aleancës.
Anëtarësimin në NATO, Meta e vlerësoi si një nga ngjarjet më të mëdha në historinë e Shqipërisë por nuk e pengoi pse protagonistët e kësaj historie, Sali Berisha, Lulzim Basha, Gazment Oketa dhe Bamir Topi nuk ishin prezent në këtë ceremoni.
“Anëtarësimi i Shqipërisë në NATO 10 vite më parë përbën një nga ngjarjet më të mëdha në historinë e Shqipërisë dhe kombit shqiptar. Një mirënjohje të veçantë atyre burrave e grave në uniformë që udhëhoqën këtë arritje. Një falënderim të veçantë sot e kam për presidentin e SHBA-ve George W. Bush që me vizitën e tij në Tiranë frymëzoi përpjekjet për arritjen e këtij qëllimi.”
Nacionalizmi në rritje, kriza e refugjatëve sirianë, apo emigrantëve në Mesdhe si dhe lufta kibernitike, vlerësoi Edi Rama, janë rreziqe reale të cilat kanë nevojë për një përgjigje të përbashkët.
“Ne ndjehemi mirë sot që integrimi i Malit të Zi më parë dhe Maqedonisë së Veriut më pas, në MATO ka krijuar një hapësirë të gjerë në Ballkan për NATO-n dhe ka forcuar stabilitetin e Ballkanit duke çuar drejtë mbushjes së një vakumi të krijuar pas ndryshimeve teknonike që pësoi gadishulli nga shpërbërja e Jugosllavisë. Në mënyrë që Ballkani të mos jetë kurrë më që influenca të vendeve të treta arrijnë që të depërtojnë deri në zemër të Europës, është e rëndësishme që edhe Kosova të bëhet pjesë e aleancës. Shqipëria beson se integrimi i Kosovës është një domosdoshmëri, jo për Kosovën thjeshtë, por për të gjithë familjen atlantike,” tha kryeministri Edi Rama duke shtuar se Ballkani i gjithë në NATO është vizion strategjik dhe anëtarësimi i Kosovës do të ishte një kapital i shtuar.
