Delvinë, hidhet në erë depoja e Ujësjellësit

Depoja e Ujësjellësit në fshatin Kopacez të Delvinës, mbrëmë është hedhur në erë me tritol.

Mësohet se ngjarja ka ndodhur mbrëmë rreth orës 21:00, ku një sasi tritoli i ishte vendosur tubit qëndror të shpërndarjes.

Policia është në vendngjarje dhe kanë nisur hetimet për zbardhjen e rastit.

Ndryshe, ky Ujësjellës furnizon me ujë disa fshatra të Delvinës.