Protestat e Opozitës/ 16 Shkurt-16-Mars, Apeli lë në burg 7 protestues

Gjykata e shkallës së parë u  kishte caktuar masën e sigurisë “arrest me burg” për 12 protestuesit e arrestuar pas protestës së 16 Shkurtit dhe 16 Marsit, por Gjykata e Apelit, në dy seanca të ndara, ndryshoi masën e arrestit vetëm për pesë prej tyre.

Kështu, 5 të arrestuarve pas protestës së 16 Shkurtit, me masën e sigurisë “arrest me burg” nga Gjykata e shkallës së parë, kjo masë iu konfirmua edhe nga Apeli.

Pra, Gjykata e Apelit Tiranë vendosi arrest me burg për: Ilir Hamedani, Ferit Dankshi, Saimir Rexhepi, Florenc Hoxha dhe Agim Peposhi.

Ditën e sotme, Gjykata e Apelit në Tiranë caktoi masën e e sigurisë edhe për 7 protestuesit e arrestuar nga Unaza e Re pas protestës së 16 Marsit, për siç thuhet, sjelljeve të tyre që policia e Ish-Gjeneral Sandër Lleshaj i ka konsideruar të dhunshme.

Gjykata e Apelit në Tiranë la në burg Mariglen Docin dhe Dorjan Protoduarin, ndërsa për shtetasit Pal Dija, Gazmir Bekshiu, Aldi Spaho, Emilajno Mustafa dhe Ermir Bruka është caktuar masa e sigurisë “arrest shtëpie”.

Familjarët së bashku me Ish-deputetin e Partisë Demokratike, Klevis Balliun kanë ankimuar masat ndërsa Balliu tha se nuk ka asnjë provë por Edi Rama ka arrestuar qytetarët, pasi ka frikë dhe iu trembet protestave.