Raporti i KLSH/ Korrupsioni i Qeverisë, Tabaku: 2.500 tendera për 11 oligarkë e 4 deputetë!
Pas raportit të fundit të Kontrollit të Lartë të Shtetit, ku për vitin e shkuar janë konstatuar dëme kolosale në financat e shtetit, si në kahun e shpenzimeve ashtu edhe të të ardhurave të munguara, reagon Partia Demokratike përmes Ish-Deputetes Jorida Tabaku duke konstuar se KLSH dhe së fundi Gjykata Europiane e Auditit konfirmojnë se qeveria e Edi Ramës është kampione e korrupsionit,
“Kontrolli i Lartë i Shtetit fakton se vitin e kaluar qeveria ka keqpërdorur me qëllim 1.7 miliardë euro. Nga kjo shumë, 923 milionë euro është dëmi ekonomik nga të ardhurat e pambledhura, që lidhet direkt me korrupsionin endemik, ndërkohë që janë keqshpenzuar në tendera dhe jo vetëm, 587 milionë euro nga taksat e shqiptarëve.”
Ku humbasin milionat e eurove të taksave tona që rriten çdo vit, thekson Jorida Tabaku duke shtuar se është edhe Gjykata Europiane e Auditit e cila fakton se 1 në 3 kompani përfiton abuzivisht nga tenderat, duke shmangur procedurat për një garë të ndershme, që do t’i kursenin buxhetit miliona euro nga taksat e shqiptarëve.
“Sipas të dhënave nga Buletini i prokurimeve publike 11 oligarkë përmes 19 kompanive kanë fituar në total 2.100 tendera dhe katër deputetë të qeverisë kanë fituar 410 tendera dhe koncesione,” konstaton Tabaku e që qeveria e Edi Ramës është kampione e korrupsionit, kjo u konfirmua edhe nga Gjykata Europiane e Auditimit, e cila thotë se 1 në 3 tendera vidhet.
Që sëmundja e korrupsionit të luftohet dhe të shërohet, ka vetëm një rrugë: Kjo rrugë kërkon largimin e arkitektit të korrupsionit nga qeverisja e vendit.
“Koha nuk pret. Shqiptarët largohen, vendi po varfërohet përditë dhe të vetmit që pasurohen janë ata që votën e blejnë me paratë e krimit dhe paratë e shqiptarëve i shpërndajnë në tepsinë e korrupsionit,” vlerëson Ish-Deputetja Jorida Tabaku duke premtuar se Partia Demokratike ka vullnetin dhe planin për të nisur një luftë pa kompromis ndaj korrupsionit dhe për ta fituar atë, jo vetëm se korrupsioni është pengesë në procesin e integrimit, por dhe si arsyeja e vetme pse sot të rinjtë janë pa punë, pse rrogat dhe pensionet nuk rriten, pse nuk ka investime në rrugë, shkolla e spitale, ndërsa përfundon:
“Partia Demokratike beson se një ekonomi e lirë tregu, ku të gjithë garojnë të barabartë, me taksa të ulura e pa burokraci do të çlirojë kapitalin, do të rrisë investimet në ekonomi, do te hapë vende të reja pune dhe mundësi për çdo shqiptar punëtor e të ndershëm!”
Ndryshe, Kontrolli i Lartë i Shtetit në raportin e performancës së institucionit të dorëzuar në Kuvend për vitin e shkuar, vlerëson se në total janë konstatuar parregullsi financiare dhe dëm ekonomik në shumën 213.9 miliard lekë ose afërsisht 1.7 miliardë euro.
Deklarata e plotë
Të gjitha raportet ndërkombëtare të institucioneve serioze botërore raportojnë sëmundjen e rëndë dhe të pashërueshme të qeverisë Rama, KORRUPSIONIN.
Dy javë më parë, raporti i OKB-së nënvizonte problemin e korrupsionit endemik që ka kapluar qeverisjen dhe shoqërinë tonë. Raporti i DASH, ambasadorja gjermane dhe biznese shqiptare vazhdimisht kanë shprehur shqetësimin e tyre për korrupsionin dhe lidhjet e bizneseve me qeverinë në përfitimin e tenderave publikë.
Së fundi, edhe Kontrolli i Lartë i Shtetit fakton se vitin e kaluar qeveria ka keqpërdorur me qëllim 1.7 miliardë euro. Nga kjo shumë, 923 milionë euro është dëmi ekonomik nga të ardhurat e pambledhura, që lidhet direkt me korrupsionin endemik, ndërkohë që janë keqshpenzuar në tendera dhe jo vetëm, 587 milionë euro nga taksat e shqiptarëve.
Ku humbasin milionat e eurove të taksave tona që rriten çdo vit?
Gjykata Europiane e Auditit fakton se 1 në 3 kompani përfiton abuzivisht nga tenderat, duke shmangur procedurat për një garë të ndershme, që do t’i kursesnin buxhetit miliona euro nga taksat e shqiptarëve.
Sipas të dhënave nga Buletini i prokurimeve publike 11 oligarkë përmes 19 kompanive kanë fituar në total 2100 tendera dhe katër deputetë të qeverisë kanë fituar 410 tendera dhe koncesione.
Ne kemi denoncuar faktin se:
➢ Koncesioni i inceneratorëve 178 milionë euro u dha pa garë
➢ Koncesionet në shendetësi u janë dhënë miqve të kryeminsitrit
➢ Tenderi i unazës iu dha një kompanie me dokumenta te falsifikuara, DH Albania. Sot, 1 km rrugë bëhet me 22 milionë euro, si në asnjë vend të Europës
➢ Tenderat i marrin vetëm 11 persona të lidhur me Ramën dhe se ekonomia është kapur dhe kontrollohet plotësisht nga Edi Rama.
Që qeveria e Edi Ramës është kampione e korrupsionit, kjo u konfirmua nga Gjykata Europiane e Auditimit, e cila thotë se 1 në 3 tendera vidhet.
• Korrupsioni është sëmundja e pashërueshme që kjo qeveri ka.
• Korrupsioni është arsyeja që investimet e huaja nuk i afrohen Shqipërisë.
• Korrupsioni është imazhi i padrejtë që kjo qeveri i ka vendosur Shqipërisë.
Ka vetëm një rrugë që sëmundja e korrupsionit të luftohet dhe të shërohet. Kjo rrugë kërkon largimin e arkitektit të korrupsionit nga qeverisja e vendit. Koha nuk pret. Shqiptarët largohen, vendi po varfërohet përditë dhe të vetmit që pasurohen janë ata që votën e blejnë me paratë e krimit dhe paratë e shqiptarëve i shpërndajnë në tepsinë e korrupsionit.
Partia Demokratike ka vullnetin dhe planin për të nisur një luftë pa kompromis ndaj korrupsionit dhe për ta fituar atë, jo vetëm se korrupsioni është pengesë në procesin e integrimit, por dhe si arsyeja e vetme pse sot të rinjtë janë pa punë, pse rrogat dhe pensionet nuk rriten, pse nuk ka investime në rrugë, shkolla e spitale.
Partia Demokratike beson se një ekonomi e lirë tregu, ku të gjithë garojnë të barabartë, me taksa të ulura e pa burokraci do të çlirojë kapitalin, do të rrisë investimet në ekonomi, do te hapë vende të reja pune dhe mundësi për çdo shqiptar punëtor e të ndershëm!
