“Hakmarrja Rama”/ Kukës, procedohen 13 protestues

Një ditë pas “mikëpritjes” së kuksianëve për Kryeministrin Edi Rama, i cili pas bllokimit të rrugës nga qytetarë u Kukësit tek Ura e Drinit të Zi u detyrua të shkoj me helikopter në tubimin “Bashkia që duam” në këtë qytet, filloi dhe “Hakmarrja Rama”.

Sot Policia e Kukësit ka bërë të ditur se ka proceduar 13 persona:

“Në lidhje me protestën e paligjshme të zhvilluar më datë 05.04.2019 të organizuar nga subjekti politik PD, Kukës e Has në vendin e quajtur “Ura e Drinit të Zi” janë proceduar në gjendje të lirë 13 shtetas,” thekson njoftimi i policisë ndërkohë banorët e Qarkut të Kukësit janë ankuar edhe për një mbrëmje pa drita në shumë zona.

Njoftimi i policisë:

Në lidhje me protestën e paligjshme të zhvilluar më datë 05.04.2019 të organizuar nga subjekti politik PD, Kukës e Has në vendin e quajtur “Ura e Drinit të Zi” janë proceduar në gjendje të lirë 13 shtetas, të moshës nga 28 deri 60 vjeç nga Kukësi dhe Hasi.

Procedimi ndaj tyre filloi pasi kanë penguar qarkullimin e mjeteve të transportit si dhe kanë kundërshtuar punonjësit e Policisë së Shtetit.