Samiti i Berlinit, Thaçi: Pa SHBA nuk ka dialog!
Presidenti i Kosovës Hashim Thaçi dhe Kryeministri Ramush Haradinaj para fillimit të Samitit të Berlinit theksuan se do t’i mbrojnë qëndrimet e tyre të cilat tashmë dihen.
Kryeministri Haradinaj sqaroi para gazetarëve se nuk ka asnjë draft dokument se për çfarë do të diskutohet me Serbinë në këtë takim”
“Nuk ka ndonjë draft apo dokument, as nuk jemi dakordu as nuk kemi fol, por ajo çka është më rëndësi është pra çka kemi thënë çdo herë, Kosova i ka qëndrimet e veta besoj edhe sot do të jemi në nivel të përgjegjësive tona,” tha Haradinaj ndërkohë presidenti Hashim Thaçi, rrëzoi të gjitha parashikimet se çfarë mund të bisedohet me Beogradin zyrtar. Nuk ka dialog me Serbinë pa përfshirjen e Shteteve të Bashkuara, ishte i prerë Thaçi ndonëse është pjesëmarrë i takimit të Berlinit të organizuar nga dy liderët me ndikim botëror si kancelarja Merkel dhe presidenti Macron:
“Unë e theksoj se nuk ka dialog dhe negociata pa Shtetet e Bashkuara të Amerikës, Kosova është shtet i pavarur sovran, Preshevë, Bujanoc krejt jemi Kosovë,” tha Thaçi ndërsa i pyetur nëse është arritur ndonjë marrëveshje në mes Kosovës dhe Serbisë ai sqaroi:
“Me ne nuk ka fol askush hala!”
Në fund, të pyetur nëse qëndrimet e dy liderëve kosovarë më në fund janë dakorduar, asnjëri prej tyre nuk dha përgjigje.
