“Ndryshim sistemit politik”/ Korçë, Basha: Më 30 qershor s’ka zgjedhje. Çdo proces…

Sot para qytetarëve të Korçës, Kryetari i Partisë Demokratike , Lulzim Basha, tha prerë se do të ketë një ndryshim të thellë të sistemit politik, ndësa bandës së Edi Ramës i bëri të qartë se me 30 qershor nuk do të ketë zgjedhje lokale; Çdo tentativë për një proces fallco, një proces të imponuar nga krimi do të përballet me qëndresë madhështore

“Data e zgjedhjeve të parakohshme nuk është e parëndësishme por zgjedhje me Edi Ramën Shqipëria nuk do të ketë më, një përdhunues serial i zgjedhjeve, koka e sistemit me krimin duhet të shkojë para drejtësisë. Ai nuk meriton të marrë pjesë në zgjedhje por të paktën ne duhet të kërkojmë se ai nuk mund të jetë kryeministër as i zgjedhjeve lokale, as i zgjedhjeve të përgjithshme. Ndaj kjo është betejë jetike dhe vendimtare për çdo shqiptar. Është e qartë se me 30 qershor nuk do të ketë zgjedhje lokale. Çdo tentativë për një proces fallco, një proces të imponuar nga krimi do të përballet me qëndresë madhështore lagje më lagje, qytet më qytet, zgjedhje farsë në Shqipëri më 30 qershor nuk do të ketë. Ndaj rruga e zgjedhjeve politike është e qartë.”

Kur largimi nga vendi arriti dimensione të papara që nga vitet 90, arsyeja pse kemi ardhur në gjysmë të rrugës, tha Lulzim Basha, është puna e palodhur e demokratëve për të zgjuar shqiptarët se pa fitoren e zgjedhjeve të lira, asnjë betejë tjetër s’fitohet dot, as beteja për shëndetësinë, as beteja për arsimin.

“Sot nga Korça dua ta deklaroj prerë për ata që s’e kuptojnë:  Po, do të ketë një ndryshim të thellë të sistemit politik, do ketë rikthim tek vlerat evropiane të kontrollit e balancës. Parlamenti nuk do të jetë kukull, por kontrollor i qeverisë, prandaj na duhet një parlament që buron drejtpërdrejt nga qytetari. Për këtë arsye kemi nisur një debat që do të shtrihet kudo në Shqipëri. 100 deputetë me një senat, apo kombëtar proporcional me lista të hapura, apo sisteme të tjera që bëjnë të mundura primaret apo një president të zgjedhur nga populli, ne nuk kemi paragjykime,” sqaroi kryetari i PD duke shtuar se ky ndryshim do të bëhet në sy të publikut:

“Qytetarët duhet të pyeten për çdo vendim të rëndësishëm, jo të ndërtohen inceneratorë që helmojnë qytetarët. Me një ligj për referendumet, qytetarët do të pyeten për gjithçka që ka të bëjë me shëndetin e tyre. Ky ndryshim s’do ndodhë në dhoma të mbyllura, por në sy të publikut. Gjithçka do të marrë formë të prerë vetëm pasi të vendoset me referendum kombëtar nga vetë qytetarët shqiptarë.”

Basha: Rama punon me 10 oligarkë, ata i puthin atë që nuk thuhet!

Me këtë rast kryetrai i PD-së, Lulzim Basha, duke akuzuar Qeverinë dhe kryeministrin Edi Rama, tha se ai dhe 10 oligarkë kanë vendin në dorë. Së bashku këta 10 oligarkë, kryeministrit Edi Rama i puthin duart, këmbët, dhe atë që nuk thuhet.

“Ajo qendër ka ditur të rrezatojë vlerat më të larta të qyttearisë evropiane, dhe kjo qendër e ka emrin Korçë. Ky qytet njihet për luftën e pamposhtur për liri ndaj dhe jam në punimet e këtij aktivi, për shpresat që buron nga sytë tuaj që keni infektuar edhe qytetarët anembanë Korçës por që e përcillni aq mirë protestë pas protestë. Që në Pogradec dhe Malliq do ta sillni këtë turmë kundër tiranisë, kundër krimit në pushtet, për Shqipërinë si gjithë Europa. Vëllezër dhe motra, orët e këtij regjimi po numërohen mbrapsh. Kur organizuam protestën 1 6 shkurtit, retë e zeza kishin mbuluar vendin, nuk e kam për retë e motit por për krizën ekonomike që kishte kapluar vendin. Kam parë dhe dëgjuar dhe prekur me duart e mija mjerimin e thellë me të cilin është krehur Korça e punës, Korça e mençurisë, por për shkak të mallkimit që quhet sot Qeveria e Ramës, që ka mbyllur 1/3 e bizneseve të vogla. Mijëra vetëm këtu në Korçë janë detyruar të ulin qepenat. Me sjelljen e terroriste e kishin të pamundur që të siguronin kotheren e bukës jo më të punësonin një familjar tjetër.Është sjellësja më e sigurtë e mirëqënies por një rrezik i madh për Tiranën. Të vetmit biznesmenë që bejnë hajër janë ata që rrinë me Edi Ramën, për të krijuar monopole në Industrinë Ushqimore dhe farmaceutike, prandaj ka shkatërruar gjithë të tjerët se me ata të 10 ndan pasuritë. Këta të 10 i puthin këmbët, dorën, i puthin atë që nuk thuhet,” tha Lulzim Basha duke shtuar se janë 10 kriminelë që kanë në dorë trafikun e drogës:

“Disa prej tyre hyjnë e dalin në burg, burg i thënçin i trajtojnë si hotel. Fushatën elektorale Edi Rama e ka bërë me Safet Bajrin me kriminelët që i mbillte në Korçë, e ka bërë me Shullazin, e ka bërë me 10 banda kriminale që janë shtyllat e pushtetit. Ata kontrollojnë çdo gjë, “ u shpreh Basha.