Dhunë dhe terror policor/ Mbledhje urgjente: Basha: Rama i shpalli luftë popullit!

Dhuna dhe terrori policor që shoqëroi me mbi 100 të arrestuar nga policia kriminale nën urdhërat e Edi Ramës, bëri që Kryetari i Partisë Demokratike, Lulzim Basha të thërras një mbledhje urgjente të Kryesisë, Grupit Parlamentar dhe Kolegjit Zgjedhor.

Pak para nisjes së kësaj mbledhje, Lulzim Basha iu drejtua protestuesve në selinë e Partisë Demokratike ndërsa i falënderoi për pjesëmarrjen, Basha akuzoi Ramën se sot i shpalli luftë popullit të tij:

“Do të mblidhemi për të marrë vendimet e duhura, pasi Rama i shpalli luftë popullit. Falenderime për këtë qëndresë, për të mos lejuar më diktatin e krimit, ju kërkoj mirëkuptim për kohën që do na duhet për të marrë vendimet e duhura,” tha Lulzim Basha duke i bërë të qartë organizatorit dhe zbatuesit të kësja dhune policore:

“Beteja do të vazhdojë deri sa t’i japim fund politikës së lidhur me krimin, deri sa ta çlirojmë Tiranën dhe Shqipërinë nga qeveria e lidhur me krimin. Ju jeni protestues, qytetarë, prindër, por ju jeni sot ushtria demokratike, armata e lirisë dhe Europës. Shpresa e vetme që ky vend të bëhet si gjithë Europa.”

Ndryshe, pas arrestimit dhe dhunës së ushtruar ndaj Sekretarit Organizativ të PD, Sahit Dollapi, protesta u zhvendos para Drejtorisë së Policisë deri në dërgimin e të arrestuarit Dollapi në Spital. Ndonëse Prezenca e OSBE në Tiranë mbështeti dhunën e policisë së ushtruar nga policia dhe kjo e fundit nuk u interesua për qytetarët e lënduar, ishte Prokuroria ajo e cila urdhëroi dërgimin e Sahit Dollapit në Spital