Marshimi i Opozitës, Edi Rama dhe Sandër Lleshaj në depresion. Nuk arritën të përdorin dhunë!
Nga Kryeministria, nën kryesimin e Kryetarit të PD, Luzlim Basha, marshimi i opozitës vazhdoi drejtë Drejtorisë së Përgjithshme të Policisë së Shtetit ku u hodhën tymuese dhe kapsolla në oborrin e këtij institucioni por që zhgënjyen Edi Ramën dhe Ish-Gjeneral Sandër Lleshajn që nuk kishin mundësi të përdorin dhunë sepse opozita gjithë situatën e kishte nën kontroll.
Megjithëse shiu vazhdoi të bie, protestuesit kanë ndjekur nga pas kreun e PD Lulzim Basha dhe liderët e tjerë të opozitës që kanë shkuar deri tek Brryli dhe më pas janë kthyer për të shkuar tek parlamenti.
Çudia ndodhi: Protestë para Parlamentit dhe pa gaz lotsjellës
Përveç se nuk arriti të përdor dhunë ndaj protestuesve, Ish-Gjeneral Sandër Lleshaj nuk kishte mundësi të përdorte as gazin lostjellës, dhe ku para Parlamentit, aty ku sikur të mbledhen edhe tre pensionistë për të llafosur, policët e Lleshajt do të shkrepin bomba me gaz lotsjellës.
Protestuesit para parlamentit kanë qëndruar për disa minuta ndërsa të “papunë” ngelën edhe forcat e FNSH dhe autobotet e ujit.
Protestuesit e kanë larguar gardhin metalik por nuk janë futur në oborrin e Parlamentit vetëm kanë hedhur fishekzjarre.
Marshimi vazhdoi drejtë Ministrisë së Brendshme
Duke vazhduar në krye të marshimit Lulzim Basha, protestuesit vazhduan tek Ministria e Brendshme ndërsa shiu nuk ndalonte dëgjoheshin thirrje “Rama ik!”.; “Polici e leshit”; “Polici e krimit”.
Ndërkohë tek godina e Kryeministrisë për Edi Ramën ishin përgatitur disa nga mesazhet të cilat Kryeministri thjeshtë po i bindet dot:
“Lironi vëllezërit tanë”
Pas Ministrisë së Brendshme, protestuesit vazhduan rrugën drejtë Drejtorisë së Policisë së Tiranës në shenjë proteste kundër ndalimit të dhjetëra protestuesve të opozitës.
“Lironi vëllezërit tanë”, ishte thirrja që mbizotëronte para Drejtorisë së Policisë së Tiranës u hodhën edhe ca gurë drejt policisë duke thyer disa xhama kur dhe u lëndua një polic në pjesën e fytyrës por e gjithë situata u mbajtë nën kontroll.
Marshimin siç e quajti edhe në fillim historik, Kryetari i Partisë Demokratike, Lulzim Basha e drejtoi nga selia e PD-së për ta shpallur të mbyllur këtë protestë model e cila i shkaktoi depresion të rëndë Kryeministrit Edi Rama dhe hyzmeqarit të tij, ministrit të Brendshëm, Sandër Lleshaj sepse u kaloi një protestë e tërë dhe asnjë opozitar nuk u bë për spital.
Gjithsesi, Kryetari i Partisë Demokratike, Lulzim Basha duke mbyllur në selinë e PD-së protestën kombëtare të opozitës tha se nuk ka forcë të na detyrojë të ulemi të bëjmë pazare e kompromis me të keqen: Misioni ynë është mision brezash!
