Arratiset nga gjykata, policia blindon qytetin

Një person është arratisur nga Gjykata e Vlorës, ndërsa policia po ushtron kontrolle në qytet në përpjekje për kapjen e tij.

Ngjarja ka ndodhur mëngjesin e sotëm në Gjykatën e Vlorës. Personi i arratisur është identifikuar si Mikel Kasa, 28 vjeç, arrestuar për trafik droge si dhe rrëmbimin e një personi.

Kasës dyshohet se i ishin hequr prangat në sallë dhe dyert e dritaret ishin të hapura në momentin kur po priste vendimin, ndaj ai e ka shfrytëzuar rastin të hidhej nga dritarja.

Nuk dihet sesi forcat e sigurisë nuk kanë aratisur ta ndalojnë në kohë. Policia tashmë ka nisur kërkimet.

Kasa ishte dënuar me 5 vjet burg, por dënimi iu ul me 3.4 vite për shkak të gjykimit të shkurtuar.