Aksident i rëndë, 2 të vdekur dhe 3 të plagosur

Një aksident i rëndë ka ndodhur mbrëmjen e kësaj të marte në Kavajë.

Një automjet që udhëtonte me shpejtësi ka dalë nga rruga dhe ka përplasur një nënë me dy fëmijët e saj.

Për pasojë, kanë humbur jetën, nëna e dy fëmijëve që po ecte në rrugë, e identifikuar si Lumturie Demrozi, 48 vjeç si dhe një i ri që ndodhej pasagjer në mjetin tip Benz, i identifikuar si Gentian Belba 23 vjeç.

Paraprakisht thuhet se nëna ishte me dy fëmijët e saj në rrugë kur është përplasur, ndërsa mësohet se në urgjencën e Spitalit të Durrësit ndodhet në gjendje të rëndë djali i gruas, ndërsa vajza është jashtë rrezikut për jetën.

Drejtuesi i mjetit është ndaluar nga policia dhe po pyetet për rrethanat e aksidentit.

Makina qe ka shkaktuar aksidentin tip Benz me targa “AA615VO” me të cilën udhëtonin tre të rinj ishte marr me qira.