Aksidenti në Kavajë/ Thellohet tragjedia, shoferi nuk i mbijeton plagëve

Thellohet tragjedia e aksidentit të rëndë i cili ndodhi mbrëmjen e së martës në rrugën Kavajë-Rrogozhinë.

Mëngjesin e sotëm, mësohet se ka ndërruar jetë në spital edhe drejtuesi i automjetit, shtetasi V.C, 24 vjeç, duke u bërë kështu viktima e tretë e këtij aksidenti të rëndë.

Ndryshe, aksidenti i rëndë ndodhi mbrëmë në rrugën Kavajë-Rrogozhinë, ku një makinë përplasi nënën me dy vajzat e saj dhe më pas u përplas në një pikë karburanti. Për pasojë, kanë humbur jetën, nëna e dy fëmijëve që po ecte në rrugë, e identifikuar si Lumturie Demrozi, 48 vjeç si dhe një i ri që ndodhej pasagjer në mjetin tip Benz, i identifikuar si Gentian Belba 23 vjeç.