Sot përcaktohet axhenda e aksionit politik të opozitës

Kryetari i Partisë Demokratike, Lulzim Basha, ashtu siç paralajmëroi dje sot do të zhvilloi konsulta me forumet e PD për axhendën e aksionit politik dhe protestave të qytetarvëve të bashkuar.

Në orën 11:30, Lulzim Basha Basha do të zhvillojë një mbledhje me Kolegjin e Kryetarëve të Partisë Demokratike.

Më pas në orën 13:00, Kryetari i Partisë Demokratike do zhvilloi një mbledhje me Kryetarët e Bashkive nga radhët e PD.

Dhe, në orën 17:00, Kryetari i Partisë Demokratike, Lulzim Basha do të zhvillojë një mbledhje të përbashkët me Kryesinë e PD-së dhe grupin parlamentar ku pritet të diskutohet axhenda e aksionit politik
dhe protestave të qytetarvëve të bashkuar.

Ndryshe, dje Kryetari i Partisë Demokratike, Lulzim Basha bëri të ditur se për sot ka thirrur forumet më të larta të Partisë Demokratike dhe një konsultë të të gjithë koalicionit të bashkuar të opozitës, për axhendën e aksionit politik dhe protestave të qytetarëve të bashkuar.

Ky është momenti, tha Lulzim Basha, për të intensifikuar dhe për të vazhduar me vendosmëri betejën tonë ndërsa e bëri të qartë dhe synimin:

“T’i japim fund këtij aparteidi, një Shqipëri të tërë të përjashtuar nga mirëqenia, nga liria, nga barazia para ligjit, nga siguria, duke i dhënë fund një pakice që ka marrë peng vendin përmes pushtetit të fituar jo thjesht në tavolinë por të fituar me dhunën, kërcënimin, shitblerjen e votave në bashkëpunim me krimin e organizuar.”