Studimi/ Deri në vitin 2100, niveli i detit do të rritet për 2 metra! Të kërcënuara Londra, New Yorku…

Shkencëtarët mendojnë se për shkak të ngrohjes globale, përkatësisht për shkak të shkrirjes së akullit në Greenland dhe Antarctic, niveli i ujit mund të rritet shumë më shumë se sa ishte parashikuar, raporton BBC.

Në fakt, deri më tani është besuar se deri në vitin 2100 niveli i detit mund të rritet më së shumti për 1 metër, por sipas studimit më të ri  “Ice sheet contributions to future sea-level rise from structured expert judgment” i publikuar në revistën “Proceedings of the National Academy of Sciences”, niveli real mund të shkoj deri në 2 metra

Sipas shkencëtarëve, nëse kjo ndodhë, atëherë në botë do të zhduken 1,79 milionë kilometra katrorë tokë aktualisht e banuar, që është sa sipërfaqja e Libisë. Pjesa më e madhe e kësaj sipërfaqe është në zonat ku kultivohet ushqimi, siç është bregu i lumit Nil.

Në këtë rast do të ishin të kërcënuara shumë qytete bregdetare si Londra, New Yorku dhe Shanghai.

Problemi me refugjatët

“Kriza siriane me refugjatë rezultoi me ardhjen e rreth 1 milion refugjatëve në Evropë. Por numri i emigrantëve do të jetë rreth 200 herë më i madh nëse niveli i detit rritet për 2 metra,” tha udhëheqësi i këtij studimi, Prof. Jonathan Bamber nga Universiteti Bristol.

Autorët e studimit theksojnë se ende ka kohë që të shpëtohet nga ky skenar i frikshëm, nëse merren masa në dekadat e ardhshme duke ulur dukshëm gazrat e serave.

Shkencëtarët m e këtë rast u shprehën se mundësia e skenarit më të keq është 5 %:

“Sikur t’ju them se ekziston mundësia 5 % që do t’ju shtyp makina nëse kaloni rrugën, ju nuk do ta kaloni,” tha Prof.Bumber duke shtuar: “Sikur mundësia të jetë edhe 1 % do të thotë që përmbytja e cila ndodhë vetëm një herë në 100 vjet mund të ndodhë gjatë kohës sa ju jeni gjallë. Mendoj se mundësia prej 5 % paraqet një rrezik serioz për planetën tonë.”