Protesta e Madhe/ Lulzim Basha: Nesër të gjithë në Tiranë në orën 19:00

Dhuna, padrejtësia, vjedhja e votës dhe e keqja, nuk i tremb shqiptarët, thekson Kryetari i Partisë Demokratike, Lulzim Basha, duke ftuar të gjithë, nesër në Protestën e Madhe në Tiranë, ndërsa i bënë të qartë Kryeministrit Edi Rama se deri në largimin e tij, forca e opozitës është e pandalshme dhe nuk do të bëhet asnjë kompromis me të ardhmen tonë:

“E ardhmja jonë, është Europa! Të gjithë në Tiranë, 25 Maj ora 19:00!”

“Të gjithë në Tiranë nesër, më 25 maj në orën 19:00, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin,” thekson Lulzim Basha në mesazhin e tij përmes rrjetit social Facebook duke përfunduar:

“Për Shqipërinë si e gjithë Europa. Asnjë hap pas! #25maj#ShqipëriaSiEuropa