Tronditet Korça, për 4 orë 10 tërmete. Ja pasojat…

Qarku i Korçs është tronditur mëngjesin e sotëm nga një seri tërmetesh ku më i fuqishmi ishte ai i orës 06:33 minuta me magnitudë 5.0 i cili ishte vetëm 10 km nga qyteti i Korçës ndërsa shkaktoi dëme të konsiderueshme në Dvoran dhe Floq.

Gjithçka filloi me lëkundjen e parë të tokës në orën 06:26 ku sipas Qendrës Mesdhetare Sizmiologjike, EMSC, u shënua një tërmet me magnitudë 4.9 dhe thellësi 10 km, 17 km nga qyteti i Korçës dhe 126 km nga Tirana.

Ndonëse ishte i fuqishëm dhe krijoi panik në zonë, vetëm 7 minuta më vonë, tashmë 10 km nga qyteti i Korçës ra një tërmet edhe më i fuqishëm. EMSC raporton për një tërmet me manitudë 5.0 dhe 10 km thellësi, 10 km nga qyteti i Korçës dhe 121 km nga Tirana, por që tërmeti shkaktoi panikë edhe në Gjirokastër, Vlorë dhe Elbasan ku lëkundjet ishin të konsiderueshme.

Epiqendra ishte në fshatin Mollas.

Dhjetë minuta më pas, kur banorët e shqetësuar kishin braktisur shtëpitë dhe nuk raportohej ende për pasojat, sërish një tërmet por tashmë me magnitudë 3.7 dhe thellësi vetëm 3 km, 20 km nga Korça dhe 122 km nga Tirana.

Tërmeti i katërt ra në orën 06:51 magnituda filloi të rritej sërish, EMSC raportoi për 4.4 me thellësi 10 km, 18 km nga Korça dhe 127 km nga Tirana.

Kur tashmë paniku kishte arritur kulmin, raportohej edhe për ca të lënduar dhe shtëpi të rrënuara në Dvoran dhe Floq, në orën 06:56 lëkundja e pestë e tokës në këtë mëngjes ishte me magnitudë 3.2 dhe thellësi 4 km, 17 km nga Korç dha 125 km nga Tirana.

Kur u krijua ideja ndër banorët e Qarkut të Korçës se “toka pushoi”, në orën 09:00 ra tërmeti i gjashtë me magnitudë 4.0 dhe thellësi 10 km, EMSC raporton se epiqendra është vetëm 10 km nga Korça dhe 126 km nga Tirana.

Lëkundja e tetë e tokës këtë mëngjes pasoi vetëm pas 3 minutave, me magnitudë 3.5 dhe thellësi vetëm 2 km, 14 km nga Korça dhe 124 km nga Tirana.

Ndërsa lëkundja e nëntë e orës 09:32 ishte në rënie, me magnitudë 3.3 dhe thellësi 105 km, EMSC raporton se ishte 15 km nga Erseka, 35 km nga Korça dhe 120 km nga Tirana.

Lëkundja e dhjetë u shënua në orën 11:11, EMSC raporton se ishte me magnitudë 3.8 dh ethlësi vetëm 5 km, 13 km nga Korça dhe 125 km nga Tirana.

Përveç panikut dhe shqetësimi i madh ndër qytetar i cili vazhdon të jetë prezent, tërmeti me magnitudë 5 dhe 5.3 ballë të shkallës Rihter ishte ai që shkaktoi dëme më të mëdha ndër njerëz dhe dëme materiale në Dvoran dhe Floq.

Raportohet se së paku katër banorë janë të lenduar, shtepi të rrenuara, tavane të rënë dhe mure të çara.

Sipas të dhënave të raportura nga Prefektuara e Korçës deri më tani numërohen 60 shtëpi të dëmtuara, nga të cilët 10 në fshatin Floq dhe 10 të tjera në fshatin Vidohovë.

Ndërkohë Ministria e Mbrojtjes ka bërë të ditur se lëkundjet e tërmetit janë ndier në zonat përreth epiqendrave, në Nj.A.Mollaj, fshatin Dvoran ku raportohen për 2 banesa të dëmtuara, dhe në fshatin Floq 3 banesa.