Ish-Presidenti i SHBA, Bill Clinton arrin në Kosovë

Ish-Presidenti i SHBA, Bill Clinton, ka mbërritur në Kosovë.

Në Aeroportin e Prishtinës “Adem Jashari”, Ish-presidenti i SHBA, Bill Clinton, u prit nga Zv/kryeministri dhe Ministri i Punëve të Jashtme Behgjet Pacolli.

“Mirësevjen në familjen tënde, në Kosovë, zoti President,” thekson Pacolli përmes rrjetit social Facebook” ku ka postuar edhe disa fotografi të ardhjes së Bill Clintonit në Aeroportin Ndërkombëtar të Prishtinës “Adem Jashari”.

Nryshe eskorta e tij zyrtare është nisur drejt Prishtinës. 

Clinton do të marrë pjesë në shënimin e 20-vjetorit të Çlirimit të Kosovës dhe hyrjes së trupave të NATO-s në Kosovë. Ish-presidenti amerikan, Bill Clinton, do të nderohet me dekoratë sot nga presidenti i Kosovës, Hashim Thaçi .

Siç bën të ditur Zyra e Presidentit të Kosovës, Clinton do të pritet nga Thaçi në ora 15:00. 

Pas takimit të dy presidentët do të deklarohen edhe para medieve.  

Ish-presidenti amerikan Bill Clinton dhe ish-sekretarja amerikane e shtetit, Madeleine Albright, do të jenë prezentë në Kosovë për të kremtuar nesër së bashku me qytetarët 20-vjetorin e hyrjes së trupave të NATO-s.