Sherr për rrugën, vritet kreu i Njësisë Administrative

Të shtëna me armë zjarri janë raportuar sot në Vlorë, ndërsa Administratori i Njësisë Kotë i raportuar si i plagosur ka ndërruar jetë.

Ngjarja  dyshohet të ketë ndodhur në Mavrovë, raporton BW, në momentin kur po punohej për shtrimin e rrugës. Banorët u konfliktuan me njërin prej punonjësve të rrugës dhe njëri nga banorët qëlloi me armë drejt punëtorëve ku mbeti i plagosur Administratori i Njësisë Kotë, Ardit Gjika. Për fat të keq ai ndërroi jetë pak minuta pas ngjarjes.

Ndryshe, Kota u trondit edhe nëntorin e vitit 2018 kur mbeti i vrarë Kryetari i Njësisë Administrative, Fatmir Hodo, 64 vjeç, pasi u qëllua me çifte nga 44- vjeçari Admir Delaj pas një sherri.