Zëdhënësja e Shtëpisë së Bardhë largohet nga detyra

Zëdhënësja e Shtëpisë së Bardhë, Sarah Sanders, do të lërë postin e saj në fund të qershorit, njoftoi presidenti i SHBA, Donald Trump.

Ai tha se zëdhënësja e tij do të kthehej në shtetin e saj në Arkansas, duke e lavdëruar atë si një një person me talent të jashtëzakonshëm.

Presidenti amerikan tha se shpreson që ajo do të kandidojë për Guvernatore të Arkansasit, raporton RFE.

“Ajo është një person shumë i veçantë, me talent të jashtëzakonshëm, e cili ka bërë një punë të pabesueshme,” tha Presidenti Trump përmes rrjetit social Twitter.

Sanders filloi punën si zëvendës-sekretare e shtypit përpara se të zëvendësonte Sean Spicer, më 2017 si sekretare e shtypit.

Zonja Sanders, 36 vjeç, ka qenë një mbrojtëse e ashpër e presidentit, duke thënë se Perëndia “donte që Donald Trump të bëhej president”.

Presidenti Trump ende nuk e ka emëruar pasardhësin/en e Sanders.