Korea e Veriut: Dëshirojmë ti zgjidhim problemet me SHBA

Pas vendimit të presidentit amerikan, Donald Trump për anulimin e takimit me udhëheqësin koreanoverior, Kom Jong un, ka reaguar Korea e Veriut përmes zv/ministrit të saj për punë të jashtme, Kim Kye Gwan.

“Qëllimi jonë që të bëjmë gjithçka që është e mundur për paqen dhe stabilitetin e gadishullit korean dhe njerëzimit mbetet i pandryshuar, dhe ne jemi gjithmonë të gatshëm që ti japim palës amerikane kohë dhe një mundësi të re,” tha Gwan për Agjencinë shtetërore koeranoveriore, KCNA.

Vendimi i presidentit të SHBA, Donald Trump për të anuluar samitin me liderin koreanoverior nuk është në përputhje me dëshirën e botës, thekson Agjencia shtetërore koreanoveriore KCNA përmes një komunikate, sipas të cilës, Kim ka bërë përpjekjet më të mëdha që të zhvillohet samiti me Trumpin.

Ndryshe, takimi Trump – Jong un ishte parashikuar të zhvillohet më 12 Qershor në Singapore