VIDEO/ Sulm me bombë në Ontario, ka viktima…

Dy meshkuj kanë aktivizuar një bombë në një restorant në Ontario, duke plagosur disa persona, tre prej të cilëve janë në gjendje të rëndë, ka bërë të ditur policia rajonale.

Shpërthimi ka ndodhur në qytetin kanadez Mississauga, në Ontario, dhe sipas informacioneve të para, janë plagosur të paktën 15 persona. Policia tha se është në kërkim të dy personave të dyshuar të cilët  të maskuar u larguan nga vendi i ngjarjes.

Në vendin e ngjarjes ndodhen forca të shumta policore, ambulanca, ekspertë për çmontimin e mjeteve shpërthyese dhe një numër i madh zjarrfiksesh. Siç theksohet, godina në të cilë ndodhet restoranti nuk është dëmtuar, por përreth ka shumë xhama të thyer.

Motivi i sulmit nuk dihet por nuk përjashtohet sulmi terrorist.