Cenoi periodicitetin e mandatit, PS kërkon shkarkimin e Ilir Metës!
Duke pasur parasysh llumin e juristëve që kanë ngelur në PS, në shërbim të Edi Ramës, të gjithë ishin kurioz për arsyet që do të figurojnë në Kërkesën për shkarkimin e Presidentit të Republikës. Kështu dhe përfundoi kur drama nuk ka regjizor, kërkesa nuk bëhet nga juristë dhe partia funksionon pa politikan! Pak para nisjes se seancës plenare, Kryetari i Grupit parlamentar të Partisë Socialiste, Taulant Balla, ka dorëzuar në parlament kërkesën zyrtare të mazhorancës për shkarkimin e Presidentit Ilir Meta.
Në një deklaratë për mediat, të cilën PS e cilësoi urgjente, Taulant Balla tha nga Kryesia e Parlamentit se sot u depozitua në Parlament, kërkesa me firmat e 55 deputetëve për shkarkimin e Ilir Metës, edhe pse 35 janë të nevojshme.
“Nisur nga akti dhe pasoja që ka sjellë, duke shkelur kushtetutën dhe duke u sjell arbitrarisht dhe duke shtyre zgjedhjet, duke cënuar parimin e periodicitetit e mandatit, duke nxjerrë akte në kundërshtim me ligjet, duke cënuar parimin e qytetarëve si sovran, vlerësojmë se këto përbëjnë shkelje shumë të rëndë të kushtetues dhe kërkojmë nisjen e procedurave për shkarkimin e presidentit të republikës. Do të ndjekim në mënyrë rigoroze procesin e shkarkimit të Ilir Metës,” tha Balla dhe në mungesë të Gjykatës Kushtetuese ai gjykoi në çast se Presidenti po merr kompetenca më shumë nga sa i takojnë dhe në kundërshtim me ligjin, dhe është duke zgjatur mandatin katër vjeçar që parashikon Kushtetuta, tha kreu i grupit socialist duke përdorur tashmë një shprehje të re që e kishte mësuar në mëngjes dhe që kjo sipas rilindasve i është mohuar sovranit, zgjedhja në periodicitet.
“Sikur edhe një ditë më shumë përtej mandatit, ata kthehen në pushtetet autoritare pasi mandati u ka mbaruar. Ata kthehen në ushtrues pa tagra duke mos u ndjerë të lidhur nga sovrani. Është cënuar rëndë parimi i kushtetueshmërisë dhe ligjshmërisë. E drejta përbën bazën e veprimit të shtetit. Presidenti ka vepruar përtej këtyre parimeve.
Ai ka cënuar kushtetutën. Vendimmarrjet duhet t’i drejtohen vetëm kushtetutës. Kushtetuta është ligji më i lartë dhe deklarimi i epërsisë së saj përbën një aspekt thelbësor të së drejtës. Pra dhe ushtruar kompetencat vetëm në format kushtetuese. Vendimarrja e presidentit madje dhe parlamentit duhet të bëhet në përputhje me Kushtetutën. Kushtetuta i njeh Presidenti vetëm të drejtën e caktimit të datës së zgjedhjeve. Dekreti është në kundërshtim të hapur me ligjin duke cënuar parimin e ligjshmërisë. Referuar kompetencave në Kodin Zgjedhor,” u shpreh Kryetari i Grupit Parlamentar pa e kuptuar se çfarë është Dekreti i Presidentit dhe Kodi Zgjedhor, duke folur me gojën e Denar Bibës.
“Në përmbushje të realizimit të zgjedhjeve janë ngritur KZAZ, përgatitur dhe shpallur listat e zgjedhësve, është kryer regjistrimi i partive, janë depozituar listat e ka filluar fushata. Ndërkohë që ka filluar procedura zgjedhore presidenti ka nxjerrë dekretin për shfuqizimin e zgjedhjeve më 30 qershor 2019.
Arsyet e dhëna nga Presidenti kanë të bëjnë me shqetësimin e thellë për situatën politike, se kushtet aktuale s’do siguronin zgjedhje të vërteta gjithëpërfshirëse, bindjen se kjo është mënyra që ndihmon në zgjidhjen e krizës dhe se mbështetet në Kushtetutë. Kjo bie në kundërshtim të hapur me parimet kushtetuese.
Së pari është cenuar rëndë parimi i ushtrimit të sovranitetit nga populli. Sovraniteti i takon popullit e ushtron në mënyrë të drejtpërdrejtë ose nëpërmjet të zgjedhurve të tij. Në këtë kuptim i ka hequr sovranit të jetë i tillë,”tha në një fjalim të rëndë për kapacitetin e trurit të Taulant Ballës duke humbur në hapsirë, pa e kutpuar se nuk po flet rilindasve të mjerë të Librazhdit.
Ndryshe, i gjithë ky tërbim socialist që nxiti dhe kërkesën për shkarkimin e Presidentit të Republikës erdhi pasi ky i fundit anuloi datën e zgjedhjeve 30 Qershor.
