2 Prilli i dytë/ Voltana Ademi i prish planet e Edi Ramës, shpërblehet me dhunë dhe gaz lotsjellës

Edi Rama mund të bëhet Kryeministër por qytetarë kurrë! Këtë e dëshmoi sjellja e regjimit të tij kriminal ndaj  kryetares së Bashkisë Shkodër, Voltana Ademi.

Kryetarja e Bashkisë Shkodër me modelin e saj e bëri të qartë se si mund të ndalen protestuesit edhe pa dhunë, por kjo u kundërshtua nga policët e Ish-Gjeneral Sandër Lleshajt të cilët po shikonin se një zonjë po u prishte planin e Kryeministrit Edi Rama për të ushtruar dhunë ndaj shkodranëve.

Në këtë situatë ajo u shpërblye me gaz lotsjellës:

“Nuk mund të lejojmë që një bandë kriminale të uzurpojë qytetin. Ajo që ne kërkojmë është vetëm qetësi. E drejta jonë për të bërtitur Rama ik përkundrejt gjithë masakrës që ai ka bërë në të gjithë Shqipërinë. Nuk ka asnjë arsye që Policia e Shtetit që gjuaj mbi njerëzit qoftë me gaz apo me helme,” tha Voltana Ademi e cila realisht i prishi planet Edi Ramës për një 2 Prill të dytë.