Protesta e Opozitës, Basha: Nuk ka marrëveshje me Edi Ramën kryeministër!

Asnjë hap pas, Rama ik. Nuk do t’ju braktisim dhe nuk do t’ju zhgënjejmë, tha Kryetari i Partisë Demokratike, Lulzim Basha, në Protestën e Madhe të Opozitës duke u zotuar se nuk do ta kthejë kurrë këtë energji, këtë besim, në një kapital për të negociuar në tavolinën e pisët të pazarit politik me Edi Ramën.

“Jua them sonte qartë dhe prerë: tani që çdokush e di atë që ne 6 vite e denoncuam, se Edi Rama është një hajdut dhe një kriminel gjakftohtë dhe që për karrigen e tij, për pushtetin e tij, për pasuritë e tij të paligjëshme, shkatërroi shtetin, ekonominë. Tani që provat janë në sytë e çdokujt, ta dinë mirë se zotimi im i 16 shkurtit që ndron dhe do të qëndrojë në fuqi,” tha Lulzim Basha duke e përsëritur se nuk ka dhe nuk do të ketë negociata me Edi Ramën kryeministër, dhe sot kur akuzat opozitës për vjedhjen e votave nga Edi Rama u dëshmuan:

“Nuk ka dhe nuk do të ketë marrëveshje politike pa dënuar hajdutët e votave. Nuk ka dhe nuk do të ketë asnjë marrëveshje politike pa çliruar njëherë e mirë votën tuaj, lirinë tuaj, dinjitetin tuaj.”