75-vjetori i genocidit grek/ Çështja Çame, Idrizi: Do të luftojmë deri sa…

Kryetari i PDIU-së, Shpëtim Idrizi, tha sot në Kllogjer me rastin e 75-vjetorit të genocidit grek mbi shqiptarët e Çamërisë, se për çështjen Çame do të luftohet gjithmonë dhe se shqiptarët nuk do t’i thonë kurrë lamtumirë Çamërisë, por do të punojnë fort për të vendosur drejtësinë në vend.

“Fatkeqësia më e madhe  për ne do të ishte harresa, sepse nuk ka komunitet të vogël apo kumi unitet të madh. Shqiptarët e Çamërisë tregojnë se nuk jemi asimiluar, por do të luftojmë deri sa të mbetet edhe çami i fundit. Harresa është më e keqe se sa morti. Në këtë 75-vjetor nuk do të qajmë për fatin tonë tragjik, por do të punojmë për të gjetur drejtësi. Kokën e kemi në Çamëri, sepse aty kemi pronat”, tha ai.

Shpëtim Idrizi akuzoi edhe politikën shqiptare e cila, sipas tij, nuk ka bërë asgjë për çështjen e Çamërisë.

“Nuk i thamë dhe nuk do t’i themi; Lamtumirë. Ne shqiptarët e Çamërisë jemi popull vital. Edhe sikur çami i fundit të mbetet, do ta vendosim për të na prijë drejt Çamërisë. Jemi për të marrë forcë dhe për të treguar se Çamëria nuk është e shqiptarëve të Shqipërisë,” tha Kryetari i PDIU, Shpëtim Idrizi, duke shtuar se duhet të përfshihe në vendimmarrje sepse rrugë tjetër nuk ka:

“Nuk ka forcë që na ndaj, kohë që na ç’bën, sepse ne kokën e kemi deri sa këmbët do të na çojnë në Çamëri, Ia vlen miqtë e mia, që çështja çame. Rroftë Çamëria dhe ju faleminderit.”

Ndryshe, PDIU dhe Shoqata Çamëria kanë zhvilluar sot një pelegrinazh në Varrezat e Kllogjerit në Konispol, në kuadër të 75-vjetorit të genocidit grek mbi shqiptarët e Çamërisë.