Aksioni opozitar deri më 30 Qershor, Basha takim me Aleatët

Cili do të jetë aksioni opozitar deri më 30 Qershor. Detajet sot pritet ti diskutoj Kryetari i Partisë Demokratike, Lulzim Basha në një takim me Aleatët i cili do të zhvillohet në orën 12:30 në selinë e PD-së.

Takimi i Lulzim Bashës me Aleatët po zhvillohet edhe pas përcaktimit të detyrave të Kryeministri Edi Rama në Kryesinë e Partisë Socialiste për mbylljen e fushatës elektorale dhe zhvillimin e zgjedhjeve më 30 Qershor, si dhe një orë para seancës së Kolegjit Zgjedhor i cili mund të shprehet për Dekretin e Presidentit i cili ka anuluar datën e zgjedhjeve 30 Qershor dhe është publikuar në Fletoren Zyrtare

Ndryshe, pas Protestës së Madhe të Opozitës më 21 Qershor, Kryesia dhe Grupi Parlamentar i Partisë Demokratike zhvilluan një mbledhje ku u vendos që aty ku do të shkojë Kryeministri Edi Rama për takime elektorale, do të zhvillohen dhe protestat e opozitës deri më 30 Qershor.