Kombi Shqiptar në Zi, shuhet Sejdi Peka!

Sot Kombi Shqiptar është në Zi! Shuhet patrioti i madh dhe Ish-Kreu i Shoqatës së të Përndjekurve Politikë Antikomunistë të Shqipërisë, Zoti Sejdi Peka.

Familja ka humbur një prind dhe bashkëshort shembullor ndërsa Kombi Shqiptar, një patriot të rrallë, jo vetëm pse ishte i biri i Iljaz Pekës, bashkëpunëtorit të ngushtë të Xhafer Devës, por sepse me devotshmërinë e tij gjithë qenien e tij ia ka kushtuar kombit dhe atdheut.

Portali PaFrikë, përveç se humbi një bashkëpunëtor të rrallë dhe mik të shtrenjtë, Sejdi Peka do ti mungoj me debatet e tij rreth patriotit Xhafer Deva dhe Lëvizjes së tij patriotike; Ku po shkombin Kombi Shqiptar; Si dhe rrëfimet mbi jetën e tij të vështirë në Shqipërinë Komuniste, kur ishte vetëm 2 vjeç, kur Babai Iljazi u detyrua të arratiset në Amerikë, dhe ceremoninë mortore që ai e organizoi 22 vjet pas vdekjes, 1995! Që në detaje e rrëfente me emocion duke falënderuar të gjithë ata që e ndihmuan.

Edhe Shoqata Antikomuniste e të Përndjekurve Politikë të Shqipërisë duke kujtuar bashkëvuajtësin dhe bashkëluftëtari, themeluesin dhe aktivistin deri në ditët e fundit të jetës, e kujton Sejdi Pekën si antikomunist të vendosur, intelektual, prind dhe bashkëshort të devotshëm.

“Shoqata Antikomuniste e të Përndjekurve Politikë të Shqipërisë e prekur shumë nga humbja e Sejdi Pekës i shpreh familjes dhe miqve të të ndjerit, ngushëllimet më të sinqerta. Ne jemi pranë jush këtë dite te vështire për të gjithë. I pa harrur qoftë kujtimi i tij! Qoftë i Xhenetit!”

Varrimi i të ndjerit bëhet në 25 Qershor ora 13:00 në Sharrë, Tiranë.

Sejdi Peka u prehsh në paqe!