Sorosomania/ Pas Palmerit, Rama: Ata që dogjën KZAZ në Bushat, nuk shkelin as në Mal të Zi!
Pas deklaratës së Zv/Nd.Sekretari amerikan i Shtetit për Evropën, Matthew Palmer, se pret që zgjedhjet të zhvillohen në 30 Qershor, Kryeministri Edi Rama mori çiften e doli për gjah së bashku me shokët e e tij të botës së krimit.
Në vend se ti vij turp se paditë gazetën gjermane “Bild” dhe emëron shef të shtabit Tom Doshin, dhe të ndjehet fajtor se me politikën e tij po shkatërron Shqipërinë, Kryeministri Edi Rama për sulmet ndaj KZAZ-së paralajmëron nga Himara edhe personat që u arrestuan se “as deri në Mal të Zi nuk do të shkojnë dot”.
“Ky baba Xhikja, e di mirë çfarë është vula që ka në dorë, po nuk di çfarë bën me dekretet e tij. Ky nuk di ça vulos. Vulat e dekreteve të marra janë vulat e panikut e dëshpërimit, vulat e grahmave të fundit të një revolucioni imagjinar që qysh dje e ka selinë në Presidencë. I patë dje karnavalet, hyrjet edhe daljet. Si ata të djeshmit që i ra zjarri në dorë dhe dogjën KZAZ te Vau i Dejës dhe sot janë pranga e do të akuzohen për shumë vepra penale e do të mbeten brenda dhe kur të dalin do rrinë brenda këtu, nuk do kapërcejnë më kufirin as për të shkuar në Maltë Zi sepse kriminelët e zgjedhjeve janë njësoj të rrezikshëm si çdo kriminel tjetër.”
Dhe, çudit fakti se si Kryeministri i Himarës, Bushatit dhe tashmë Malit të Zi, Edi Rama kur përmend shtetin fqinj, nuk sillet si ai shtet dhe lidershipi i tij.
Milo Gjukanoviç sot President, plotë 17 herë ka dhënë dorëheqje se e kërkonte opozita dhe është bërë Kryeministër. Apo e ka të qartë dallimin, Milo Gjukanoviçin nuk e ka bërë antimerikani George Soros dhe nuk vuan nga Sorosomania, por fitoren e korr me votat e qytetarëve!
Ndryshe, pas përplasjeve të mbrëmjes së të enjtes ku policia akuzon protestues të opozitës se hodhën bomba molotov ndaj policëve dhe i vunë zjarrin shkollës “Ndre Mjeda” ndërsa opozita e akuzon Edi Ramën për inskenim, sot policia ka njoftuar se ka arrestuar 14 persona, 3 ndiqen në gjendje të lirë dhe 9 shtetas të tjerë janë shpallur në kërkim.
